كوپتەگەن الەم ەلىندەگىدەي قازاقستاندا دا «بۇلتتى» سەرۆيستەرگە سۇرانىس ارتىپ كەلەدى. قانداي دا ءبىر دەرەكتەر قورىن ساقتاۋدا «بۇلتتى» سەرۆيستەر اۋقىمىنىڭ كەڭەيۋى اقپاراتتىق قاۋىپسىزدىكتى ساقتاۋمەن قاتار كومپانيالاردىڭ ەكونوميكالىق دامۋىنا ىقپال ەتىپ جاتىر.
قۇلاشىن كەڭگە سەرمەپ بارا جاتقان ەلىمىزدىڭ «بۇلتتى» سەرۆيستەر نارىعى زەرتتەۋ اگەنتتىكتەرى دەرەگىنە سايكەس, بىلتىر 23,7 ملرد تەڭگەنى قۇراسا, 2027 جىلعا قاراي مەملەكەتتىك سەرۆيستەردى قوسا العاندا 72,5 ملرد تەڭگەگە جەتەدى دەگەن بولجام بار.
الماتىدا «QazCloud» جانە «VK Cloud» كومپانيالارى ارىپتەستىگى اياسىندا وتكەن كونفەرەنتسيادا ەلىمىزدەگى «بۇلتتى» تەحنولوگيالاردىڭ بولاشاعى, IT-نارىعىنداعى ترەندتەر جانە كيبەرقاۋىپسىزدىك ماسەلەسى تالقىلاندى. «VK Cloud» «بۇلتتى» پلاتفورمالارىن وتاندىق نارىققا بەيىمدەۋ ەلىمىزدەگى «بۇلتتى» سەرۆيستەردى دامىتۋ قاجەتتىلىگىنەن تۋىنداپ وتىر. اتالعان پلاتفورما «QazCloud» دەرەكتەر ورتالىعىندا جۇمىس ىستەيتىن بولادى.
«QazCloud», «VK Cloud» بۇلتتى پلاتفورمالارى شاعىن جانە ءىرى بيزنەس پەن ستارتاپتاردىڭ ساندىق جوبالارىن دامىتۋ, نارىققا جىلدام يكەمدەۋ سەرسيۆىمەن ەرەكشەلەنەدى. «بۇلتتى» پلاتفورما 20-دان استام كونفيگۋراتسيالانعان «IaaS» جانە «PaaS» قىزمەتتەرىنىڭ جيىنتىعى رەتىندە كاسىپورىنداردىڭ دەرەكتەرىن ساقتاۋمەن قاتار ساناۋلى مينۋت ىشىندە ينفراقۇرىلىمدى ورنالاستىرۋ, اقىمدى دەرەكتەردى ازىرلەۋ مەن وڭدەۋدە زاماناۋي الەۋەتكە يە.
«VK Tech» باسقارۋشى ديرەكتورى پاۆەل گونتارەۆتىڭ ايتۋىنشا, «بۇلتتى» قىزمەتتەر تسيفرلىق ونىمدەر ازىرلەۋ مەن دامىتۋدىڭ ستاندارتىنا اينالىپ, نارىققا شىعارۋدى جەدەلدەتە وتىرىپ, باسەكەلەستىك ارتىقشىلىعىن قامتاماسىز ەتەدى. ولار يكەمدى IT-ينفراقۇرىلىم ءتۇزۋ, كيبەرقاۋىپسىزدىكتى, دەرەكتەردى ساقتاۋ, وڭدەۋمەن قاتار ML-مودەلدەرىمەن جۇمىس ىستەۋگە دەيىنگى كەزەڭدى قامتيدى. «VK Cloud» پلاتفورماسىنىڭ قازاقستانداعى «QazCloud» سەرىكتەستىگىنىڭ جەرگىلىكتى دەرەكتەر ورتالىعىندا ورنالاسۋى ينفراقۇرىلىممەن قامتاماسىز ەتۋگە عانا ەمەس, دەرەكتەردىڭ جوعارى دەڭگەيدە قورعالۋىنا ىقپال ەتەدى.
«QazCloud» ينفراقۇرىلىم پروۆايدەرى IT-ينفراقۇرىلىمدى قولداۋ, قىزمەت كورسەتۋ مەن جاڭعىرتۋ, ۆيرتۋال رەسۋرستاردى جالعا الۋ جانە ورنالاستىرۋ, IT-اۋتسورسينگ, اقپارات قاۋىپسىزدىگى جانە جۇيەلەردى تەحنيكالىق سۇيەمەلدەۋىمەن ەرەكشەلەنەدى. «QazCloud» باس ديرەكتورى قاسىم ەسەرگەپوۆ اتاپ وتكەندەي, استانادا جاسىل تەحنولوگيالار بويىنشا سالىنعان «QazCloud» داتا-ورتالىعى «VK Cloud» لوكالدى پلاتفورماسىمەن بىرلەسىپ, وتاندىق IT-ماماندارعا بارلىق قاجەتتىلىكتى ەل اۋماعىندا ارتىق شىعىنسىز الۋعا كومەكتەسەدى. «قازىرگى كەزدە ەلىمىزدەگى كوپتەگەن كومپانيا ءوز دەرەكتەرىن «Google», «Amazon», «Yandex» سياقتى شەتەل پلاتفورمالارىندا ساقتاۋعا ءماجبۇر. بۇگىندە اتالعان كومپانيالاردىڭ ءوزى جەكە دەرەكتەرىنىڭ قۇپيالىلىعىنا اسا ءمان بەرۋدە. ەندىگى كەزەكتە «بۇلتتىق» سەرۆيستىك پلاتفورمالاردىڭ ءوز ەلىمىزدە دامۋى وتاندىق كومپانيالار دەرەكتەرىنىڭ اشىقتىعى مەن قاۋىپسىزدىگىنىڭ كەپىلى بولا الادى. وتاندىق كومپانيالارعا تيەسىلى دەرەكتەردىڭ شەتەلدەردە ەمەس, وتاندىق «بۇلتتى» پلاتفورمالاردا ساقتالۋى كوپتەگەن ماسەلەنىڭ شەشىلۋىنە ىقپال ەتەدى», دەيدى قاسىم ەسەرگەپوۆ.
«QazCloud» ۆ2ۆ كورپوراتيۆتى كليەنتتەرمەن جۇمىس جونىندەگى ديرەكتورى مەيىرجان وماروۆ بۇلتتى پلاتفورمالاردىڭ وتاندىق كومپانيالار, ستارتاپتار ءۇشىن تيىمدىلىگى جوعارى ەكەنىن ايتتى. وتاندىق IT-نارىق دامىپ كەلەدى دەگەنىمىزبەن, بىزدەگى پلاتفورمالاردا سەرۆيستەر از. ەلىمىزدەگى شاعىن جانە ورتا بيزنەستىڭ 60 پايىزدان استامى «Google», «Amazon», «Microsoft», «Yandex.Cloud» سياقتى شەتەلدىك سەرۆيستەر قىزمەتىنە جۇگىنۋگە ءماجبۇر. ولاردىڭ وڭدەۋ ورتالىقتارى ەۋروپادا, قىتايدا, باسقا دا ەلدەردە ورنالاسقاندىقتان, سەرۆيستىك دەرەكتەر دە شەتەلدەر اۋماعىندا ساقتالادى. ال سوفتتاردىڭ قاشىقتىعى جەرگىلىكتى كومپانيالار ءۇشىن ينتەرنەت قولجەتىمسىز بولعان جاعدايدا قولايسىزدىقتار مەن تاۋەكەلدەر تۋعىزادى.
بۇگىندە «QazCloud» پلاتفورماسىندا 400-دەن استام وتاندىق IT-مامان جۇمىس ىستەيدى. جەرگىلىكتى ۋنيۆەرسيتەتتەردىڭ تۇلەكتەرى مەن ستۋدەنتتەرى اتالعان پلاتفورمادا تاجىريبەدەن ءوتىپ, تاياۋ بولاشاقتا سالادا كاسىبي مامانداردىڭ ارتۋىنا ىقپال ەتەدى. «وسى ورايدا جوعارى وقۋ ورىندارىنداعى ستۋدەنتتەرمەن IT-كوميۋنيتيلەر وتكىزۋ, ءارتۇرلى قوعامدىق جۇمىستارعا تارتۋ, موتيۆاتسيا بەرۋ, گرانتتىق جوبالار جاساۋ تسيفرلى تەحنولوگيالاردى مەڭگەرگەن مامانداردىڭ وسۋىنە ىقپال ەتەدى. قازىرگى كەزدە ەلىمىزدەگى تسيفرلى نارىقتىڭ دامۋىنا IT-مامانداردىڭ جەتىسپەۋشىلىگى كەدەرگى بولىپ وتىر. سونىمەن قاتار شەتەلدىك پلاتفورمالاردا جۇمىس ىستەپ, تاجىريبەدەن ءوتىپ جاتقان ءىت-مامانداردىڭ ەلگە كەلگەنى ماڭىزدى», دەيدى م.وماروۆ.
«VK Tech» كومپانياسىنىڭ كوپجىلدىق تاجىريبەسىن پايدالانۋ, بۇلتقا نەگىزدەلگەن پلاتفورمالارىن يگەرۋ ەل نارىعىندا ءىت-مامانداردىڭ جاڭا تولقىنىنىڭ, زاماناۋي سەرۆيستەردىڭ دامۋىنا سەرپىن بەرەدى. وسى تۇستا ساراپشىلاردىڭ مىنا پىكىرىنە نازار اۋدارا كەتكەندى ءجون كورىپ وتىرمىز. بۇگىندە وتاندىق IT-مامانداردىڭ بىلىكتىلىگى جوعارى ەكەنىن حالىقارالىق تسيفرلى كەڭىستىكتەگى سۇرانىسقا قاراپ ەكشەۋگە بولادى. سونداي-اق ەلىمىزدىڭ بانك سەكتورى, مەملەكەتتىك سەرۆيستەردىڭ ساپاسىنا دا وزگە ەلدەر تاراپىنان قىزىعۋشىلىقتىڭ تۋىنداپ وتىرعانى مەملەكەتتىڭ تسيفرلىق ساياساتىنىڭ تيىمدىلىگى مەن IT-ماماندار بىلىكتىلىگىنىڭ جوعارىلىعىمەن بايلانىستى.
الماتى