وسپانبەك ءتۇبى سارت بولسا دا, ناعىز قازاقتىڭ وقىعاندارىنىڭ كوبىنە بەرگىسىز. ساياسي ىسكە قاتىناسىپ, قازاققا قىزمەت قىلۋدى وزىنە بورىش ساناعان جىگىت ەدى.
وسپانبەكتىڭ قازاققا قىلعان قىزمەتتەرىنىڭ ءبىرى مىناۋ: قارقارالىدا پوشتا-تەلەگراف كانتورىندا تۇرعان ۋاقىتتا احمەت بايتۇرسىنوۆتىڭ ۇستىنەن حۇكىمەتكە قارسى ادام دەپ كورسەتكەن شاعىم بويىنشا سەمەي جانارالى قارقارالىنىڭ ۇيەزىنە تەلەگرام بەرگەن: «احمەت بايتۇرسىن ۇلىنىڭ ءۇيىن ءتىنتىپ, اباقتىعا جاپ» دەپ. بۇل تەلەگرامدى وزگە شەنەۋنىكتەردەن وسپانبەك بۇرىن ءبىلىپ, جۇگىرىپ ماعان كەلىپ ايتتى: «اقاڭا بارىپ, تەزىرەك حابار بەر. حۇكىمەتكە قارسى قاعازدارىن تىقسىن!» دەپ. مەن بارىپ احمەتتىڭ بار كىتاپ-قاعازدارىن الىپ, تاڭ اتقانشا قارقارالىنىڭ تاسىنا اپارىپ, وسپانبەك ەكەۋىمىز تىعىپ ەدىك. ەرتەڭىندە احمەتتى ءتىنتىپ, تۇك تابا الماسا دا, سەمەيگە ايداپ جىبەرىپ ەدى.
شىنجى كەرەيباەۆ
«سارىارقا» گازەتى, 2 يانۋار 1918 جىل, №27
ازىرلەگەن
اباي مىرزا, مۇراتانۋشى