ماماندار تۇنگى ۋاقىتتا قاۋىپسىز جول قوزعالىسىن قامتاماسىز ەتۋ ءۇشىن قوستاناي وڭىرىندەگى رەسپۋبليكالىق تراسسالاردىڭ بويىنداعى جول وتكەلدەرى مەن كوپىرلەرگە زاماناۋي جارىقديودتى شامداردى ورناتىپ جاتىر, دەپ حابارلايدى Egemen.kz قازاۆتوجولدىڭ ءباسپاسوز قىزمەتىنە سىلتەمە جاساپ.
اتالعان شارا بىرنەشە كەزەڭدە جۇزەگە اسىرىلادى. ءبىرىنشى كەزەڭدە «قازاۆتوجول» ۇك» اق وبلىستىق فيليالى جارىقديودتى شامداردى قوستاناي قالاسىنىڭ اينالما جولىندا جانە تاۋلىگىنە 15 مىڭ كولىك جۇرەتىن «قوستاناي-رۋدنىي» كۇرە جولىندا ورناتادى. العاشقىدا التى جول وتكەل جارىقتاندىرىلادى.
جارىقديودتى شامدار ر-38 قوستاناي قالاسىنىڭ اينالما جولىنىڭ 3 شاقىرىمىندا ورناتىلدى (ميچۋرين كولىك ايرىعى).