الماتى وبلىسى اكىمىنىڭ ءبىرىنشى ورىنباسارى تاعايىندالدى

«الماتى وبلىسى اكىمىنىڭ وكىمىممەن, قر پرەزيدەنتى اكىمشىلىگىنىڭ كەلىسىمىمەن نۇرلان ەرعالي ۇلى ءابدىراحىم الماتى وبلىسى اكىمىنىڭ ءبىرىنشى ورىنباسارى لاۋازىمىنا تاعايىندالدى», دەلىنگەن حابارلامادا.

نۇرلان ەرعالي ۇلى 1980 جىلى تۋعان, قازاق, ءبىلىمى جوعارى, 2001 جىلى «قاينار» ۋنيۆەرسيتەتىن زاڭگەر ماماندىعى بويىنشا بىتىرگەن.

2016 جىلى قازاقستان رەسپۋبليكاسى پرەزيدەنتى جانىنداعى مەملەكەتتىك باسقارۋ اكادەمياسىنىڭ ۇلتتىق مەملەكەتتىك ساياسات مەكتەبى «ساياساتتانۋ» ماماندىعى بويىنشا الەۋمەتتىك ءبىلىم ماگيسترى اكادەميالىق دارەجەسىن العان.

ەڭبەك جولىن 1999 جىلى «دجاكۋباەۆ د.م.» جك اعا زاڭگەرى بولىپ باستاعان.

ءار جىلدارى «استاناەنەرگوسەرۆيس» ااق تۇتىنۋشىلارمەن جۇمىس جونىندەگى قىزمەتتىڭ جەكە تۇلعالارعا قىزمەت كورسەتۋ ءبولىمىنىڭ №2 ابونەنتتىك ۋچاسكەسىنىڭ باقىلاۋشىسى, «قازاقستان رەسپۋبليكاسىنىڭ زاڭناما ينستيتۋتى» جاق تاعىلىمداماشىسى, قازاقستان رەسپۋبليكاسى ادىلەت مينيسترلىگىنىڭ زاڭناما دەپارتامەنتىنىڭ جەتەكشى مامانى, باس مامانى, ءبولىم باستىعى, باسقارما باستىعىنىڭ ورىنباسارى, ديرەكتورىنىڭ ورىنباسارى, نورماتيۆتىك قۇقىقتىق اكتىلەردى تىركەۋ دەپارتامەنتىنىڭ ديرەكتورى, زاڭعا تاۋەلدى اكتىلەر دەپارتامەنتىنىڭ ديرەكتورى, زياتكەرلىك مەنشىك قۇقىعى كوميتەتىنىڭ توراعاسى, قازاقستان رەسپۋبليكاسى ادىلەت ءمينيسترى كەڭەسشىسىنىڭ مىندەتىن اتقارۋشى بولىپ قىزمەت اتقارعان.

2012-2019 جىلدارى قازاقستان رەسپۋبليكاسى پرەزيدەنتى اكىمشىلىگىنىڭ مەملەكەتتىك باقىلاۋ جانە ۇيىمداستىرۋ-اۋماقتىق جۇمىس ءبولىمىنىڭ مەملەكەتتىك ينسپەكتورى, 2019-2021 جىلدارى قازاقستان رەسپۋبليكاسى پرەزيدەنتى اكىمشىلىگىنىڭ مەملەكەتتىك ينسپەكتورى لاۋازىمدارىندا بولعان.

2021 جىلدىڭ مامىر ايىنان باستاپ قازاقستان رەسپۋبليكاسى پرەزيدەنتى اكىمشىلىگىنىڭ مەملەكەتتىك باقىلاۋ جانە ۇيىمداستىرۋ-اۋماقتىق جۇمىس ءبولىمى مەڭگەرۋشىسىنىڭ ورىنباسارى قىزمەتىن اتقارىپ كەلگەن.

«قۇرمەت» وردەنىنىڭ يەگەرى.