قاراعاندى وبلىسىندا ەكىنشى دۇنيەجۇزىلىك سوعىس ارداگەرلەرىنە جەڭىس كۇنىنە وراي 1,5 ملن تەڭگەدەن تولەنەدى. بۇگىندە وڭىردە 14 ارداگەر تۇرادى, دەپ حابارلايدى Egemen.kz.
«بىرجولعى ماتەريالدىق كومەك سوعىس ارداگەرلەرىنە تەڭەستىرىلگەن باسقا دا ساناتتاعى تۇرعىندارعا كورسەتىلەدى. كامەلەتكە تولماعان كەزدە كونتسلاگەرلەردىڭ تۇتقىنى بولعان 38 ادامعا 100 مىڭ تەڭگەدەن بەرىلەدى. لەنينگراد بلوكاداسى كەزىندە جۇمىس ىستەگەن 11 قاراعاندىلىق 60 مىڭ تەڭگەدەن الادى», دەپ حابارلادى قاراعاندى وبلىسىنىڭ جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنان.
كومەك الۋشىلار اراسىندا ەكىنشى دۇنيەجۇزىلىك سوعىس جىلدارى قازا تاپقان 4138 تىل ەڭبەككەرى مەن 161 جاۋىنگەردىڭ جۇبايى بار. ولارعا 30 مىڭ تەڭگەدەن بەرىلەدى.
ايتا كەتەيىك, بيىل قان مايداننىڭ اياقتالعانىنا – 78 جىل.