مەملەكەتتەر اراسىنداعى وداقتاردى پراگماتيكالىق جانە يدەولوگيالىق دەپ ءبولىپ قاراستىرۋعا بولادى. قازاقستان-ازەربايجان قارىم-قاتىناسى وسى پراگماتيكالىق وداق ۇدەسىنەن شىعىپ وتىر. ەل اراسىنداعى ىقتىماقتاستىقتىڭ ەكىنشى تىنىسى اشىلعان ءدال وسى ساتتە سيمۆولدىق ءماننىڭ ايتارلىقتاي كوپ ەكەنى بايقالادى. ونىڭ ۇستىنە ماسكەۋ مەملەكەتتىك حالىقارالىق قاتىناستار ينستيتۋتىنىڭ ەكى تۇلەگى – قاسىم-جومارت توقاەۆ پەن يلحام اليەۆ اراسىنداعى ساباقتاستىق تا ءوز جەمىسىن بەرىپ كەلەدى.
ازەربايجان پرەزيدەنتىنىڭ استاناعا ساپارى وزگە دە حالىقارالىق بايلانىستاردىڭ قاسىندا – ەكى كوشباسشىنىڭ دا بارلىق كەلىسىمدى لوگيكالىق تۇرعىدا سوڭىنا دەيىن جەتكىزۋگە دەگەن نيەتىنىڭ تىكەلەي ناتيجەسى. گەوساياسي جاعداي تۇرعىسىندا تۇبەگەيلى ءمانى بار كەمىندە ءۇش باعىت بار: مۇناي تاسىمالداۋ, كاسپي تابانىندا بايلانىستىڭ تالشىقتى-وپتيكالىق جەلىسىن توسەۋ جانە ءبىرىنشى كەزەكتە ينفلياتسيالىق قىسىمدى تومەندەتۋ ءۇشىن تاۋار ەكسپورتى مەن يمپورتىنداعى ىنتىماقتاستىق. بۇل جوبالاردىڭ ءبارىنىڭ ەكزيستەنتسيالدىق سيپاتى بار. ولار وڭىردەگى ەكونوميكالىق سەرىكتەسىمىزگە بۇرىن-سوڭدى بولماعان سانكتسيالار قىسىمىنىڭ جاعدايىندا ماڭىزدى لوگيستيكالىق جانە اقپاراتتىق ارنالاردى ءارتاراپتاندىرۋ ءۇشىن قاجەت. وسى رەتتە تۇركى رەنەسسانسى يدەولوگيالىق قۇبىلىس رەتىندە تاريح ساحناسىنا قايتا شىقتى دەۋگە نەگىز بار.
ەلىمىزدىڭ ەۋرازيانىڭ ءىرى ويىنشىلارى – قىتاي, رەسەي جانە ەو-مەن ءوزارا قارىم-قاتىناس ساپالى دەڭگەيدە قالىپتاسقان. بۇعان وتكەن جىلى كوز جەتكىزدىك. بۇل ءبىز ءۇشىن سىرتقى ساياساتىمىزداعى تۇركى ەلدەرىنىڭ بايلانىسىن قالىپقا كەلتىرۋدىڭ باستاۋى بولدى.
نيكيتا شاتالوۆ,
پارلامەنت ءماجىلىسىنىڭ دەپۋتاتى