الەمدىك دەڭگەيگە ۇمتىلعان ابزال

دەمەك, ۇلتتىق زەرتتەۋ ۋني­ۆەر­­سي­تەتتەرىنە قويى­لا­تىن باستى­ تا­لاپ – عىلىمي زەرت­تەۋلەردى الەم­دىك دەڭگەيدە ىسكە اسىرۋ. ول ءۇشىن جاھاندىق دەڭ­گەيدەگى بىلىك­تىلىگى جوعارى كادر­لاردى دايار­لاۋ­دى قامتاماسىز ەتۋ قاجەت. بۇل ەكى باعىت ءبىر-بىرىمەن بايلا­نىستى. قازىرگى تاڭدا زەرتتەۋ ۋني­ۆەرسيتەتىنە عىلىمدى جانە عىلىم مەن يننوۆاتسيالىق قىز­مەت­­تىڭ جاڭا باعىتتارىن دامىتۋ ءۇشىن كادرلار دايارلاۋ ماسەلەسى وتە­ ما­ڭىزدى. ول ءۇشىن نە ىستەۋ كەرەك؟

ءبىرىنشى. زەرتتەۋ ۋنيۆەرسيتەتى جەتەكشى عىلىمي مەكتەپتەر نە­گى­زىندە ۋنيۆەرسيتەتتەگى ينتە­گرا­­تسيالانعان وقۋ-عىلىمي جانە وقۋ-عىلىمي-يننوۆاتسيالىق كە­شەن­­دەردىڭ جيىنتىعى بولۋى ءتيىس. بۇل رەتتە وقۋ-عىلىمي كە­شەن­­دەر وسى نەگىزدە ىرگەلى عى­لىمي زەرتتەۋلەردى جانە جوعارى بىلىكتى كادرلارىن دايار­لاۋدى قامتاماسىز ەتەدى. ال وقۋ-عى­لىمي-يننوۆاتسيالىق كە­شەن­دەر­دە يننوۆاتسيالىق-تەح­نولو­گيا­­لىق قىزمەتكە جانە جوعارى تەح­نولوگيالىق ازىرلەمەلەردى كادر­لىق سۇيەمەل­دەۋ­دى قامتا­ما­سىز­ ەتۋگە كوبىرەك كوڭىل بولىنۋگە ءتيىس.

ەكىنشى. ۇلتتىق زەرتتەۋ ۋني­ۆەر­­سيتەتتەرىنە قويىلاتىن باس­تى­ تالاپ – عىلىمي زەرتتەۋلەردى الەم­دىك دەڭگەيدە جۇزەگە اسىرۋ.­ ول ءۇشىن زەرتتەۋدىڭ باسىم باعىت­­تارىن ناقتى ايقىنداپ, ۋني­ۆەر­سيتەتتە بارلىق فاكۋلتەت­تە جانە عىلىمي زەرتتەۋ ينستيتۋ­تىن­دا­ داميتىن جوبالارعا ارنايى قارا­جات بولىنۋىنە قول جەتكىزۋ قاجەت.

ءۇشىنشى. ۋنيۆەرسيتەتتە عى­لىم­­­­دى ۇزاق مەرزىمدى دامىتۋ ءۇشىن­ عىلىمي-تەحنولوگيالىق دامۋ­دىڭ باسىم باعىتتارى بويىن­شا جوبالاردى ىسكە اسىر­عان­ ءجون. ارنايى باعدارلاما قابىل­­­داۋ دا ارتىق ەتپەيدى.

ءتورتىنشى. قازىرگى زامانعى يننو­­ۆاتسيالىق زەرتتەۋلەر بىر­نە­شە عىلىمي پاندەردىڭ توعىس­قان­ جەرىندە كوبىرەك ورىن الىپ جا­تىر. سوندىقتان كادر­لاردى دا­يىنداۋعا باسقا پان­دەر­دىڭ مامان­دارىن دا تارتۋ قاجەت دەپ ەسەپ­تەيمىن.

راحمەتقاجى بەرسىمباي, 

كلەتكالى بيولوگيا جانە بيوتەحنولوگيا عىلىمي-زەرتتەۋ ينستيتۋتىنىڭ ديرەكتورى, اكادەميك