استانا اۋەجايىنىڭ شاتىرىن جوندەۋ جۇمىستارى باستالدى. وسىعان بايلانىستى ەلوردانىڭ اۋە ايلاعىنىڭ ءباسپاسوز قىزمەتى جولاۋشىلارعا ۇندەۋ جاسادى, دەپ حابارلايدى Egemen.kz.
«قۇرمەتتى استانا اۋەجايىنىڭ جولاۋشىلارى مەن قوناقتارى! ت1 تەرمينالىنىڭ شاتىرىنان سۋ كەتۋ سالدارىنان بولعان كەمشىلىكتەردى جويۋ بويىنشا كەپىلدىك مىندەتتەمەلەرىن ورىنداۋ شەڭبەرىندە «Mabco Constructions SA» قۇرىلىس كومپانياسى استانا حالىقارالىق اۋەجايىنىڭ عيماراتىندا قۇرىلىس-مونتاجداۋ جۇمىستارىن باستادى.
وسىعان بايلانىستى 1 ءساۋىر مەن 1 ماۋسىم ارالىعىندا ت1 تەرمينالىنىڭ الدىنان وتەتىن جول كەزەڭ-كەزەڭىمەن جابىلادى. قولايسىزدىق ءۇشىن كەشىرىم سۇرايمىز», دەپ ەسكەرتەدى اۋە ايلاعىنىڭ اكىمشىلىگىنەن.