مەملەكەت باسشىسىنىڭ جارلىعىمەن اسحات رازدىق ۇلى ورالوۆ قازاقستان رەسپۋبليكاسىنىڭ مادەنيەت جانە سپورت ءمينيسترى لاۋازىمىنا تاعايىندالدى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
اسحات رازدىق ۇلى ورالوۆ 1990 جىلى پاۆلودار وبلىسىندا دۇنيەگە كەلگەن.
گۋميلەۆ اتىنداعى ەۋرازيا ۇلتتىق ۋنيۆەرسيتەتى مەن رف ءسىم ماسكەۋ مەملەكەتتىك حالىقارالىق قاتىناستار ۋنيۆەرسيتەتىن تامامداعان.
ءار جىلدارى گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ الەۋمەتتىك-تاربيە جۇمىسى دەپارتامەنتىنىڭ جاستار ۇيىمدارىمەن جۇمىس ءبولىمىنىڭ باس مامانى, پروتوكول ءبولىمىنىڭ اعا مامانى بولىپ جۇمىس ىستەگەن.
2014-2016 ج.ج. – «نۇر وتان» پارتياسىنىڭ «نۇر» فيليالى توراعاسىنىڭ ءبىرىنشى ورىنباسارى.
2016-2017 ج.ج. – استانا قالاسىنىڭ «جاستار ساياساتى ماسەلەلەرى باسقارماسى» مم باسشىسىنىڭ م.ا.
2017-2018 ج.ج. – «استانا قالاسىنىڭ جاستار ساياساتى ماسەلەلەرى باسقارماسىنىڭ» مم باسشىسى.
2018 جىلدىڭ قاڭتار-تامىز ايلارى ارالىعىندا قر ءدىن ىستەرى جانە ازاماتتىق قوعام مينيسترلىگىنىڭ جاستار ساياساتى دەپارتامەنتىنىڭ ديرەكتورى.
2018-2019 ج.ج. – قوعامدىق دامۋ مينيسترلىگى جاستار جانە وتباسى ىستەرى كوميتەتى توراعاسىنىڭ ورىنباسارى.
2019-2020 ج.ج. – پاۆلودار وبلىسى اكىمىنىڭ ورىنباسارى.
2020-2021 ج.ج. – اقپارات جانە قوعامدىق دامۋ مينيسترلىگىنىڭ ۆيتسە-ءمينيسترى.
2021 - 2022 ج.ج.– نۇر-سۇلتان قالاسى اكىمىنىڭ ورىنباسارى.
2022 - 2023 ج.ج. - AMANAT پارتياسىنىڭ اتقارۋشى حاتشىسى قىزمەتىن اتقاردى.
2023 جىلدىڭ 4 قاڭتارىندا قازاقستان رەسپۋبليكاسى پرەزيدەنتىنىڭ جارلىعىمەن قازاقستان رەسپۋبليكاسى مادەنيەت جانە سپورت ءمينيسترى قىزمەتىنە تاعايىندالدى.