بۇگىن قىرعىزستان استاناسى بىشكەك قالاسىندا تۇركى اكادەمياسى عىلىمي كەڭەسىنىڭ كەزەكتى ءVى وتىرىسى ءوتتى, دەپ حابارلايدى Egemen.kz.
باسقوسۋعا تۇركى اكادەمياسىنىڭ پرەزيدەنتى شاھين مۋستافاەۆ, قىرعىز رەسپۋبليكاسىنىڭ ءبىلىم جانە عىلىم ءمينيسترى قانىبەك يماناليەۆ, ازەربايجان رەسپۋبليكاسى عىلىم جانە ءبىلىم ءمينيسترىنىڭ ورىنباسارى ىدىرىس يساەۆ, قازاقستان رەسپۋبليكاسى عىلىم جانە جوعارى ءبىلىم مينيسترلىگى عىلىم كوميتەتىنىڭ توراعاسى دارحان احمەد-زاكي, تۇركيا رەسپۋبليكاسى ۇلتتىق ءبىلىم مينيسترلىگىنىڭ ءبىلىم جانە ءتارتىپ جونىندەگى كەڭەسىنىڭ توراعاسى دجيحاد دەميرلي, ۆەنگريانىڭ قىرعىز رەسپۋبليكاسىنداعى توتەنشە جانە وكىلەتتى ەلشىسى شاندور دوروگي, سونداي-اق باۋىرلاس ەلدەردەگى ءبىلىم مەن عىلىمعا جاۋاپتى ۆەدومستۆولاردىڭ وكىلدەرى مەن ساراپشىلارى قاتىستى.
كەڭەس وتىرىسىنىڭ بارىسىندا تۇركى اكادەمياسىنىڭ عىلىمي كەڭەسىنە توراعالىق ەتۋ قازاقستاننان قىرعىز رەسپۋبليكاسى تاراپىنا ءوتتى.
جيىندا اكادەميا باسشىسى ش.مۋستافاەۆ وتكەن جىلى اتقارىلعان جۇمىستار تۋرالى ەسەپ بەرىپ, بيىل جۇزەگە اسىرىلاتىن جوبالار جوسپارىمەن ءبولىستى.
اتاپ ايتقاندا, تمۇ-عا مۇشە ەلدەردىڭ بىلىم جانە عىلىم سالاسىنداعى ىنتىماقتاستىق ماسەلەلەرى, عىلىمي-زەرتتەۋ جوبالارى تالقىلانىپ, تۇركى الەمىنىڭ 2023 جىلعا ارنالعان اتاۋلى كۇندەرى بەكىتىلدى. سونداي-اق تۇركى اكادەمياسى قىزمەتىنىڭ الداعى كەزەڭدەرگە باسىم باعىتتارى ماقۇلداندى.
وتىرىس بارىسىندا عىلىمي كەڭەس مۇشەلەرى اكادەميانىڭ 2023 جىلعا ارنالعان جۇمىس جوسپارىن بەكىتىپ, كەلەسى وتىرىستىڭ ورنى مەن ۋاقىتىن بويىنشا ۋاعدالاستى.
وسى تۇستا تۇركى اكادەمياسى عىلىمي كەڭەسىنىڭ كەلەسى وتىرىسى باكۋدە وتەتىنىن ايتا كەتۋ كەرەك.
كەزدەسۋ قورىتىندىسى بويىنشا مينيستر ق.يماناليەۆتىڭ توراعالىعىمەن كەڭەس مۇشەلەرى تۇركى اكادەمياسىنىڭ نەگىزگى عىلىمي باعىتتارىن ىسكە اسىرۋ جونىندە حاتتاما قابىلدادى:
تۇركى الەمىنىڭ تاريحي-مادەني مۇراسىن زەرتتەۋ; قازىرگى كەزەڭدە تۇركى بىرەگەيلىگىن قالىپتاستىرۋ;III. ەجەلگى زاماننان قازىرگى زامانعا دەيىنگى تۇركى تىلدەرى;
تۇركى الەمىندەگى ەكونوميكالىق بايلانىس جانە ينتەگراتسيا.بيىل تۇركى الەمىنىڭ اتاۋلى كۇندەرى قاتارىنا ۇلى عالىم ءابۋ رايحان ءال-ءبيرۋنيدىڭ تۋعانىنا 1050 جىل, ويشىل قوجا احمەت ءياساۋيدىڭ تۋعانىنا 930 جىل اق-قويلى مەملەكەتىنىڭ بيلەۋشىسى ۇزىن حاساننىڭ 600 جىلدىعى, سۇلتان بەيبارىستىڭ 800 جىلدىعى, بەلگىلى قىرعىز ويىشىلى مولدو نيازدىڭ 200 جىلدىعى, اقىن, ساياساتكەر جانە تۇركيا مەملەكەتتىك گيمنىڭ اۆتورى مەحمەت اكيف ەرسويدىڭ 150 جىلدىعى, كونە تۇركى جازۋىنىڭ اشىلعانىنا 130 جىل تولۋى, سونداي-اق كورنەكتى تۇلعالار مەن ماڭىزدى وقيعالارعا بايلانىستى باسقا دا مەرەيتويلار ەنگىزىلگەن.