فۋتبولدان دانيا ۇلتتىق قۇراماسىنىڭ باس باپكەرى كاسپەر يۋلمانن مەن قورعاۋشىسى يواكيم مەلە ەۋرو-2024 ىرىكتەۋ ماتچىنداعى قازاقستاننان جەڭىلىسكە ۇشىراعانىنا قاتىستى پىكىر ءبىلدىردى, دەپ حابارلايدى Egemen.kz.
«قازاقستان قۇراماسىن جەڭىسىمەن قۇتتىقتايمىن! ناتيجەگە كوڭىلىمىز تولمايدى. ويىننىڭ باسىم بولىگىندە جاقسى ويىن كورسەتتىك. ال سوڭعى 15 مينۋت ءبىز ءۇشىن وتە قولايسىز بولدى. بۇل تاكتيكاعا قاتىستى ەمەس. كوڭىل-كۇيگە بايلانىستى. بۇل كورسەتكىش سوڭعى رەت قايتالانىپ وتىر دەپ ويلايمىن», دەدى باپكەر.
بۇدان سوڭ, يواكيم مەلە قيىن الاڭدا, قيىن ويىن بولاتىنىن ايتتى.
«مەنىڭ ويىمشا, ءبىرىنشى تايم جاقسى ءوتتى. ءبىز بار كۇش-جىگەرىمىزبەن وينادىق. ءبىز ەكى گول سوقتىق. ءۇزىلىس كەزىندە بارىنە بايىپپەن قاراپ, جەڭىس تۋرالى سويلەستىك, سەبەبى بۇل سالماقتى ويىن ەدى. سوسىن ءبىرتۇرلى پەنالتي بولدى, مەن بۇل ءساتتى ءالى كورمەدىم. ءيا, مۇنداي جاعدايلار بولۋى مۇمكىن, بىراق ءبىز بىرگە بولۋىمىز كەرەك. كورەرمەندەر تاماشا اتموسفەرا سىيلادى. بىراق ءبىزدىڭ كوڭىلىمىز قالدى. ءيا, سوڭعى 15 مينۋتتا ءۇش رەت جىبەرىپ الۋ دەگەن سۇمدىق. ءبىز بۇدان ساباق الىپ, ەشقاشان قايتالانبايتىنىنا ۋادە بەرۋىمىز كەرەك», دەدى ي. مەلە.
ەندى قازاقستان الداعى ويىنىن 16 ماۋسىمدا سىرت الاڭدا سان-مارينوعا قارسى وتكىزەدى.
بۇگىن ن توبىندا, سونداي-اق سلوۆەنيا - سان-مارينو, سولتۇستىك يرلانديا – فينليانديا قۇرامالارى كەزدەسەدى.