قازاقستاندا «جۇرەك جىلۋى» قايىرىمدىلىق اكتسياسى ءوتىپ جاتىر, دەپ حابارلايدى Egemen.kz ەلوردا اكىمدىگىنىڭ ءباسپاسوز قىزمەتىنە سىلتەمە جاساپ.
اكتسيا اياسىندا ەرىكتىلەر مەن بەلسەندى ازاماتتار حالىقتىڭ الەۋمەتتىك از قامتىلعان توپتارىنا: كوپبالالى وتباسىلاردىڭ, ەرەكشە قاجەتتىلىكتەرى بار جانداردىڭ, زەينەتكەرلەردىڭ ءوتىنىشى مەن تىلەكتەرىن ورىنداۋعا كومەكتەسەدى.
وسىعان دەيىن مەملەكەت باسشىسى اكتسياعا قاتىسۋشىلارمەن كەزدەسىپ, ساندىقشادان حاتتاردىڭ ءبىرىن تاڭداعان بولاتىن. وتىنىشتە استانا تۇرعىنى تونومەتر سۇراعانى جازىلعان.
استانا اكىمى جەڭىس قاسىمبەك گۇلجاحان سىدىقوۆامەن كەزدەسىپ, مەملەكەت باسشىسىنىڭ اتىنان تونومەتردى تابىستادى. سونداي-اق وعان ماتەريالدىق كومەك كورسەتىلىپ, ساناتوريگە جولداما بەرىلەدى. گۇلجاحان سىدىقوۆا پرەزيدەنت پەن «جۇرەك جىلۋى» قايىرىمدىلىق اكتسياسىنا قاتىسۋشىلارعا العىسىن ءبىلدىردى.