بيىل سايلاۋشىلاردىڭ بەلسەندىلىگى قانداي بولدى؟

ەلىمىزدە 19 ناۋرىز كۇنى قر ءماجىلىسى مەن ءماسليحاتى دەپۋتتارىنىڭ كەزەكتەن تىس سايلاۋى ءوتتى. 

بۇعان دەيىن وتكىزىلگەن سايلاۋلاردا ەڭ جوعارى كورسەتكىش 1995 جىلى تىركەلگەن. سايلاۋعا ادامداردىڭ 79,8 پايىزى بارىپ, داۋىس بەرگەن.

ەڭ تومەنگى كەلۋشىلەر 2004 جىلى بولعان. سايلاۋشىلاردىڭ 45,2 پايىزى داۋىس بەرۋگە بارعان.

2004 جىلدان 2016 جىلعا دەيىن قارقىندى ءوسۋ بايقالادى. ال 2016 جىلدان باستاپ كەرىسىنشە بەلسەندىلىك تومەندەگەن.

بۇل سايلاۋ سوڭعى 20 جىلداعى سايلاۋلاردان وزگەرەك. ويتكەنى وندا «بارىنە قارسىمىن» دەگەن باعان بار جانە سايلاۋعا ءبىر مانداتتى ۇمىتكەرلەر قاتىسا الادى.

بيىلعى سايلاۋعا سايلاۋشىلاردىڭ 54,19 پايىزى قاتىسقان. بۇل 19 جىل ىشىندەگى ەڭ تومەنگى كورسەتكىش.

وسك مالىمەتتەرىنە ساي, ايماقتارداعى بەلسەندىلىك مىناداي بولعان:

اباي وبلىسى بويىنشا – 57,02%

اقمولا وبلىسى بويىنشا – 60,01%

اقتوبە وبلىسى بويىنشا – 58,00%

الماتى وبلىسى بويىنشا – 60,03%

اتىراۋ وبلىسى بويىنشا – 51,23%

باتىس قازاقستان وبلىسى بويىنشا – 59,20%

جامبىل وبلىسى بويىنشا – 65,21%

جەتىسۋ وبلىسى بويىنشا – 55,32%

قاراعاندى وبلىسى بويىنشا – 59,48%

قوستاناي وبلىسى بويىنشا – 65,10%

قىزىلوردا وبلىسى بويىنشا – 67,21%

ماڭعىستاۋ وبلىسى بويىنشا – 54,10%

پاۆلودار وبلىسى بويىنشا – 58,68%

سولتۇستىك قازاقستان وبلىسى بويىنشا – 65,25%

تۇركىستان وبلىسى بويىنشا – 53,01%

ۇلىتاۋ وبلىسى بويىنشا – 58,99%

شىعىس قازاقستان وبلىسى بويىنشا – 64,15%

استانا قالاسى بويىنشا – 42,91%

الماتى قالاسى بويىنشا – 25,82%

شىمكەنت قالاسى بويىنشا – 45,46%