جاڭاوزەن قالاسىنداعى №5 مەكتەپ-گيمنازيادا ورنالاسقان №75 سايلاۋ ۋچاسكەسىنە تاڭەرتەڭنەن بەرى ۇلكەندى-كىشىلى تۇرعىندار كەلىپ, ءوز داۋىستارىن بەرىپ جاتىر, دەپ حابارلايدى Egemen.kz.
ساياسي ناۋقاننان قالىس قالماي, ەل بولاشاعى ءۇشىن داۋىس بەرۋگە كەلگەندەردىڭ ءبىرى - NFC چەمپيونى ەرالى ابدىروۆ. سايلاۋ - جاڭا قازاقستاندى قالىپتاستىرۋداعى ماڭىزدى قادامداردىڭ ءبىرى دەپ سانايتىن ەرالى ءوز تاڭداۋىن جاساۋ ءۇشىن 19 ناۋرىزدى اسىعا كۇتكەن. ەرالى قالامىزدىڭ مارتەبەسىن كوتەرىپ, سپورتتىق قارىم-قابىلەتى ارقىلى قالا اتىن تانىتۋعا زور ۇلەس قوسىپ جۇرگەن سپورتشى. ونىڭ بۇگىنگى كۇنگە دەيىن جەتكەن جەتىستىگى از ەمەس. ماسەلەن, 2015 جىلى كۋدودان قازاقستان چەمپيونى, 2016 جىلى ازيا چەمپيونى, مما سپورتىنان قازاقستان چەمپيونى اتانعان. 2018 جىلى حالىقارالىق تۋرنيردە ەرەسەكتەر اراسىندا 71 كەلى سالماق دارەجەسىندە NFS (نايزا فايتەر چەمپيونشيپ) بەلبەۋىنىڭ گران-پري يەگەرى اتاعىن جەڭىپ العان.
«سايلاۋ — ءوز ۋچاسكەڭە بارىپ, ءبىر پاراققا بەلگى قويۋ ەمەس, ەلدىڭ بولاشاعىنا الاڭداپ, ونىڭ دامۋىنا ۇلەس قوسۋ. جاڭا قازاقستاننىڭ بولاشاعىنا داۋىس بەردىم. قازاقستان جاستاردىڭ قولىندا دەپ سەنەمىن. داۋىس بەرۋ – ءار ازاماتتىڭ پارىزى. سوندىقتان قالا تۇرعىندارىن وسى سايلاۋعا بەلسەندى قاتىسىپ, دۇرىس تاڭداۋ جاساۋعا شاقىرامىن», دەيدى ەرالى ابدىروۆ.