قازاقستاننىڭ ءبىرىنشى, الەمنىڭ 10-راكەتكاسى ەلەنا رىباكينا اقش-تا ءوتىپ جاتقان ينديان-ۋەللس WTA 1000 ءتۋرنيرىنىڭ شيرەك فينالىنا شىقتى, دەپ حابارلايدى Egemen.kz قتف-عا سىلتەمە جاساپ.
قازاقستاندىق تەننيسشى ءتورتىنشى اينالىمدا دۇنيەجۇزىلىك رەيتينگتە 66-ساتىدا تۇرعان رەسەيلىك ۆارۆارا گراچەۆامەن شەبەرلىك بايقاستى.
قارسىلاستار وسىعان دەيىن ءبىر-اق رەت كەزدەسىپ, وندا ەلەنا جەڭگەن بولاتىن.
بۇل جولى ءبىرىنشى پارتيادا ەسەپ 3:3 بولعان مەزەتتە رىباكينا تاعى ءبىر برەيكپەن العا شىقتى. سودان كەيىن تاعى ءبىر برەيكپەن ءبىتىردى. ەسەپ – 6:3. قازاقستاندىق سپورتشى ەكىنشى سەتتە قارقىنىن ۇدەتە ءتۇستى. ەسەپ – 5:0. اقىرى ءتورتىنشى ماتچبولىن پايدالانا الدى. ەسەپ – 6:0.
ەلەنا رىباكينا جارتىلاي فينالعا شىعۋ ءۇشىن الەمنىڭ 76-راكەتكاسى, چەحيالىق كارولينا مۋحوۆامەن كەزدەسەدى.