2022 جىلدىڭ جەلتوقسانىندا الەم چەمپيونى اتانعان 16 جاستاعى قازاقستاندىق تەننيسشى الان قۇرمانعاليەۆ حالىقارالىق جاسوسپىرىمدەر رەيتينگىنىڭ جاڭارتىلعان نۇسقاسىندا جوعارىلادى, دەپ حابارلايدى Egemen.kz.
13 ناۋرىزدا ITTF (حالىقارالىق ۇستەل تەننيسى فەدەراتسياسى) رەيتينگ كەستەسى بويىنشا قاراعاندىلىق سپورتشى ءوز پوزيتسياسىن ءبىرشاما جاقسارتتى. بۇعان الاننىڭ پورتۋگالياداعى جەڭىسى سەبەپ بولدى. ەسكە سالا كەتسەك, جاس دارىن WTA Youth Contender تۋرنيرىندە ەكى التىن مەدال جەڭىپ العان.
جاڭا الەمدىك رەيتينگتە قۇرمانعاليەۆ 17 جاسقا دەيىنگى سپورتشىلار اراسىندا 5-ءشى ورىندا تۇر, بۇرىن ول 10-شى ورىندا تۇرعان ەدى. ال 19 جاسقا دەيىنگى تەننيسشىلەر اراسىندا قاراعاندىلىق 22-ءشى ورىننان 12-ءشى ورىنعا كوتەرىلدى.