جالپىقىتايلىق حالىق وكىلدەرى جيىنىنىڭ ء(جحوج, پارلامەنت) دەپۋتاتتارى سي ءتسزينپيندى ءۇشىنشى بەس جىل مەرزىمگە قحر توراعاسى قىزمەتىنە سايلادى, دەپ حابارلايدى Egemen.kz «سينحۋا» اگەنتتىگىنە سىلتەمە جاساپ.
ءجحوج دەپۋتاتتارى داۋىس بەرۋ كەزىندە ءبىراۋىزدان سي ءتسزينپيندى قولدادى.
سونداي-اق سي تسزينپين قحر ورتالىق اسكەري كەڭەسىنىڭ توراعاسى قىزمەتىنە دە قايتا سايلاندى.
قىتاي كوممۋنيستىك پارتياسى ورتالىق كوميتەتىنىڭ ساياسي بيۋروسى تۇراقتى كوميتەتىنىڭ مۇشەسى چجاو لەتسزي جالپىقىتايلىق حالىق وكىلدەرى جيىنى تۇراقتى كوميتەتى – ەلدىڭ جوعارعى زاڭنامالىق ورگانىنىڭ توراعاسى قىزمەتىنە سايلاندى.
سونىمەن قاتار ءجحوج دەپۋتاتتارى حان چجەندى قحر توراعاسىنىڭ ورىنباسارى لاۋازىمىنا سايلادى.
داۋىس بەرۋ 14-شاقىرىلىم ءجحوج ءبىرىنشى سەسسياسىنىڭ ءۇشىنشى پلەنارلىق وتىرىسى كەزىندە ءوتتى.
5-13 ناۋرىز ارالىعىندا بەيجىڭدە جىل سايىنعى ءجحوج سەسسياسى ءوتىپ جاتىر.