Astana Hub الاڭىندا «ميب تىركەۋ جانە داۋىس بەرۋ» جاڭا ونلاين قىزمەت ءتۇرى تانىستىرىلدى, دەپ حابارلايدى Egemen.kz.
ءىس-شاراعا يندۋستريا جانە ينفراقۇرىلىمدىق دامۋ ۆيتسە-ءمينيسترى دينارا ششەگلوۆا, تۇرعىن ءۇي كوممۋنالدىق-شارۋاشىلىعىن جاڭعىرتۋ مەن دامىتۋدىڭ قازاقستاندىق ورتالىعىنىڭ, سونداي-اق ادىلەت جانە تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىكتەرىنىڭ وكىلدەرى قاتىستى.
اتالعان تىڭ تەتىكتى ويلاپ تاپقان «ۋپراۆ.دوم» ءموبيلدى قوسىمشاسىنىڭ ازىرلەۋشىلەرى ايتقانداي, ەندى ەلىمىزدە م ۇلىك يەلەرىنىڭ بىرلەستىگىن سمارتفونداعى باتىرمانى باسۋ ارقىلى تىركەۋگە بولادى. بۇل ءۇشىن جوعارىداعى قوسىمشانىڭ كومەگىمەن قاجەتتى ءوتىنىشتى ونلاين تۇردە تاپسىرسا جەتكىلىكتى. تۇرعىن ءۇيدىڭ يەلەرى مەن جالعا الۋشىلار تسيفرلى ID جۇيەسى مەن ەلەكتروندى تسيفرلى قولتاڭبا ارقىلى انىقتالادى. ناتيجەسىندە ميب تىركەپ, ونىڭ توراعاسىن سايلاۋ جونىندەگى قورىتىندى مالىمەت بىرنەشە كۇندە سمارتفونعا جىبەرىلەدى.
«وسى ءىس-شارا ميب قۇرۋ كەزەڭدەرىن تسيفرلاندىرۋعا ارنالعان قوسىمشا جايلى اقپاراتتى حالىققا جەتكىزۋگە باعىتتالعان. داۋىس بەرۋدەن بولەك بۇل پلاتفورمادا تۇرعىن ءۇيدىڭ باسقا دا ماسەلەلەرىن شەشۋگە سەپتەسەتىن قىزمەتتەر دە بار. يندۋستريا جانە ينفراقۇرىلىمدىق دامۋ مينيسترلىگى اتالعان باستامانى قولدايدى. ويتكەنى مۇنداي اقپاراتتىق جۇيەلەر مەملەكەتتىك دەرەكتەر بازاسىمەن ينتەگراتسيالانىپ, ءتيىستى راسىمدەردىڭ اشىقتىعىن قامتاماسىز ەتەدى», دەدى د.ششەگلوۆا.
ءوز كەزەگىندە «ۋپراۆ.دوم» جوباسىن ازىرلەۋشىلەردىڭ ءبىرى ولجاس اقباەۆ جاڭا قىزمەت ءتۇرىنىڭ اقپاراتتىق قاۋىپسىزدىك تالاپتارىنا تولىق ساي كەلەتىنىن جانە ودان وتكەنىن كۋالاندىراتىن اتتەستاتتىڭ بار ەكەنىن اتاپ ءوتتى.
«اتالعان قىزمەتتى دايىنداۋدا قازاقستاندىقتار ءۇشىن داۋىس بەرۋ مەن ميب-ءتى تىركەۋ پروتسەسىن بارىنشا جەڭىلدەتۋدى كوزدەدىك. ادامدار مۇنداي ماسەلەلەردى تەز جانە اشىق تۇردە شەشۋ ءتيىس. سونداي-اق دەربەس دەرەكتەر تۋرالى زاڭناماعا سايكەس جەكە مالىمەتتەردىڭ قۇپيالىعىن ساقتاپ, باقىلاۋ سەرۆيسى جولعا قويىلعان», دەدى و.اقباەۆ.