قازاقستان رەسپۋبليكاسى ۇكىمەتىنىڭ قاۋلىسىمەن بەكماعامبەتوۆ دوسبول بوتاش ۇلى ەكولوگيا جانە تابيعي رەسۋرستار ۆيتسە-ءمينيسترى قىزمەتىنە تاعايىندالدى, دەپ حابارلايدى Egemen.kz ۇكىمەتتىڭ ءباسپاسوز قىزمەتىنە سىلتەمە جاساپ.
دوسبول بەكماعامبەتوۆ 1979 جىلى قاراعاندى وبلىسىندا دۇنيەگە كەلگەن.
ول ءوزىنىڭ مانسابىن 2007 جىلى قاراعاندى وبلىسى ەڭبەك جانە حالىقتى الەۋمەتتىك قورعاۋ دەپارتامەنتىنىڭ ەڭبەك تۋرالى زاڭنامانى باقىلاۋ ءبولىمىنىڭ باس مامانىنىڭ م.ا. رەتىندە باستادى.
2007-2008 جىلدارى - قاراعاندى قالاسى نۇرا اۋدانى بويىنشا قورشاعان ورتانى قورعاۋ جونىندەگى ۋاكىلەتتى مەملەكەتتىك ينسپەكتورىنىڭ باس مامانى.
2008-2012 جىلدارى – قاراعاندى وبلىسى نۇرا اۋدانىنىڭ باس مامانى – ەكولوگيا جونىندەگى ۋاكىلەتتى ينسپەكتورى.
2012-2016 جىلدارى - قاراعاندى وبلىسى نۇرا اۋدانى اكىمىنىڭ ورىنباسارى.
2016-2017 جىلدارى – اۋىل شارۋاشىلىعى مينيسترلىگى اگروونەركاسىپتىك كەشەندەگى مەملەكەتتىك ينسپەكتسيا كوميتەتىنىڭ قۇقىقتىق قامتاماسىز ەتۋ جانە مەملەكەتتىك ساتىپ الۋلار دەپارتامەنتىنىڭ ساراپشىسى.
2017-2019 جىلدارى - سۋ قورىن مەملەكەتتىك باقىلاۋ جانە قورعاۋ دەپارتامەنتىنىڭ باس مامانى; اۋىل شارۋاشىلىعى مينيسترلىگى سۋ رەسۋرستارى كوميتەتىنىڭ سۋ رەسۋرستارىن پايدالانۋدى جانە قورعاۋدى رەتتەۋ جونىندەگى ەسىل باسسەيندىك ينسپەكتسياسى باسشىسىنىڭ ورىنباسارى بولدى.
2019-2021 جىلدارى – ەكولوگيا, گەولوگيا جانە تابيعي رەسۋرستار مينيسترلىگى باسشىنىڭ ورىنباسارى;
2021 جىلدىڭ ساۋىرىنەن وسى ۋاقىتقا دەيىن ەكولوگيا جانە تابيعي رەسۋرستار مينيسترلىگى سۋ رەسۋرستارى كوميتەتى توراعاسىنىڭ ورىنباسارى قىزمەتىن اتقاردى.