«اۋىل» پارتياسى الماتى قالاسىنداعى «سايران» جانە «ماسكەۋ» مەتروبەكەتتەرىندە «ونىمدەر سورەلەردە وسپەيدى» اتتى فوتوكورمە ۇيىمداستىردى. ءىس-شاراعا ءماجىلىس دەپۋتاتتىعىنا كانديدات – ايبىن تورەحانوۆ, جاندوس تۇرسىنعاليەۆ, قانتاي الىبەك, الماس مۇحامەتوۆ, ءىلياس دوسحوجاەۆ, اننا دانچەنكو, قاراقات ابدەن قاتىستى.
پارلامەنت ءماجىلىسىنىڭ دەپۋتاتتىعىنا «اۋىل» حدپپ اتىنان تۇسەتىن كانديداتتار فوتوكورمە اياسىندا قالا تۇرعىندارىنا پارتيا سايلاۋالدى باعدارلاماسىنىڭ نەگىزگى باعىتتارىن ءتۇسىندىردى. پارتيانىڭ ازىق-ت ۇلىك باعالارىن تۇراقتاندىرۋ بويىنشا قولداناتىن تاسىلدەرى جايلى ايتتى. ازىق-ت ۇلىكتىڭ شىعۋ «توركىنىنەن» تۇسىنىگى جوق, «ەلىمىزدىڭ ازىق-ت ۇلىك قاۋىپسىزدىگىن دۇكەن قامتاماسىز ەتەدى» دەپ ەسەپتەيتىن بۇگىنگى بۋىننىڭ جەتەسىنە جەتەردەي ۇگىت-ناسيحات جۇمىستارىن جۇرگىزدى.
– ازىق-ت ۇلىك سورەلەردە وسپەيدى, سورەلەردە باعا وسەدى. ونىڭ نەلىكتەن وسەتىنىن جانە ونى قالاي تۇراقتاندىرۋعا بولاتىنىن «اۋىل» پارتياسى جاقسى بىلەدى. سالالىق مەملەكەتتىك ورگاندار مەن جالپى ۇكىمەت ءۇشىن نەگىزگى جانە ءبىرىنشى كەزەكتەگى مىندەت – ءوندىرىس كولەمىن, اسىرەسە ەكولوگيالىق تازا ءونىم كولەمىن ۇلعايتۋ, سونداي-اق اۋىل شارۋاشىلىعى وندىرۋشىلەرى ءۇشىن قايتا وڭدەۋ مەن لوگيستيكالىق ينفراقۇرىلىمدى جولعا قويۋ. ونىمدەر سورەلەرگە تىكەلەي ءتۇسۋى كەرەك. ءبىز ماجىلىسكە بارعاندا ازىق-ت ۇلىك نارىعىنان ارتىق دەلدالداردى ىعىستىرۋ ءۇشىن بار كۇشىمىزدى سالامىز. فەرمەرلەردى ءىرى ساۋدا ورتالىقتارىنا مۇمكىندىگىنشە جاقىنداتامىز. پارتيانىڭ پارلامەنت ماجىلىسىنە ۇمتىلۋىنداعى باستى سەبەپتەرىنىڭ ءبىرى – وسى, – دەدى كانديدات ايبىن تورەحانوۆ.
مەترودا ءوتىپ جاتقان فوتوكورمەگە نازار اۋدارىپ, كانديداتتاردىڭ ۇگىت-ناسيحاتىنا قۇلاق تۇرگەن جولاۋشى قالالىقتار كانديداتتاردىڭ ۇستانىمىنا قىزىعۋشىلىق تانىتىپ, قولداۋ ءبىلدىردى. كانديداتتار ازىق-ت ۇلىك ءوندىرۋ ءىسىنىڭ بايىبىنا بارمايتىن, ونى وڭاي شارۋا دەپ ويلايتىن قالا جاستارىنا ازىق-ت ۇلىك ونىمدەرىنىڭ دۇكەن سورەلەرىنە قانداي ەڭبەكپەن كەلەتىنىن فوتوكورمە ارقىلى قىزىقتى فورماتتا كوز الدارىنا كەلتىرىپ, ساۋالدارىنا جاۋاپ بەردى.
«اۋىل» پارتياسىنىڭ وكىلدەرى باستاپقى جانە تەرەڭ قايتا وڭدەۋ كاسىپورىندارى ءۇشىن سالىقتاردىڭ بارلىق ءتۇرىن تولىق جويۋ ماڭىزدى ەكەنىن ايتتى.