تەڭىز جاعالاۋىنداعى اقتاۋ قالاسى مەن «جۇمباق جايلاپ, اڭىز ورگەن ماڭعىستاۋعا» قىزىعۋشىلىقپەن كەلەتىن تۋريستەر سانى جىلدان-جىلعا ارتىپ كەلەدى. وتكەن جىلى جاز ايلارىندا شەتەلدىك جيھانكەزدەر مەن ساياحاتشىلار رەسپۋبليكا بويىنشا اقتاۋدا دەمالۋدى, ساياحاتتاۋدى كوبىرەك تاڭداعان.
بۇل جاعداي ءوڭىر تاريحىندا تۇڭعىش رەت اقتاۋعا تۋريستىك باعىتتاعى ارنايى چارتەرلىك رەيستەردىڭ قاتىناي باستاۋىنا جول اشتى, سونداي-اق اقتاۋ مەن شەت ەلدەر اراسىنداعى تۇراقتى رەيستەر سانى دا ارتا ءتۇستى.
ماڭعىستاۋدىڭ ەرەكشە تابيعاتىمەن بىرگە شەتەلدىك جانە جەرگىلىكتى تۋريستەردى كاسپي تەڭىزى جاعالاۋىنداعى دەمالىس ورىندارى مەن كۋرورتتىق كەشەندەر, ولارداعى قىزمەت كورسەتۋ دەڭگەيى جوعارى ساپالى قوناقۇيلەر, دەمالىس ايماقتارى, اكۆاپاركتەر مەن ويىن-ساۋىق ورتالىقتارى قىزىقتىرىپتى. بۇل جاعدايلار اقتاۋ حالىقارالىق اۋەجايىن الدىنا ۇلكەن جوسپار قويۋعا ۇمتىلدىردى. قازىر ولار چارتەرلىك رەيستەرگە اپتاسىنا جەتى رەت قاتىنايتىن مۇمكىندىكتى قاراستىرىپ, جان-جاقتى ۇيىمداستىرۋ جۇمىستارىن, تاراپتاردىڭ ءوزارا كەلىسسوزدەرىن باستادى.
اقمارجان اقتاۋ بيىل تۋريستەردىڭ ءىرى لەگىن قابىلداۋعا ءازىر. بۇل – وڭىردەگى تۋريستىك الەۋەتتىڭ وركەندەي باستاعانىنىڭ جانە جوعارى ساپالى سەرۆيستىك قىزمەتتىڭ كورىنىسى. الايدا ءوڭىر ءتۋريزمى بۇل جەتىستىكتەرىمەن توقتاپ قالماي, الداعى ۋاقىتتا ءتۋريزمدى ودان ءارى دامىتىپ, تۋريستەر مەن قوناقتاردى, ساياحاتشىلاردى تارتا تۇسەدى.
ماڭعىستاۋ وبلىسى