ەڭبەك جانە حالىقتى الەۋمەتتىك قورعاۋ مينيسترلىگى 23-35 جاس ارالىعىنداعى 12 مىڭنان استام قازاقستاندىق جۇمىسسىز جاستارعا جۇمىسقا ورنالاسۋ مۇمكىندىگى تۋرالى SMS-حابارلامالار جولدادى, دەپ حابارلايدى Egemen.kz.
ۆەدومستۆو مالىمەتىنشە, ازاماتتارعا ءبىر مەزگىلدە جۇمىس ىزدەۋ, تەگىن وقۋدان ءوتۋ جانە جۇمىسپەن قامتۋ سالاسىنداعى مەملەكەتتىك قولداۋدىڭ باسقا دا شارالارى تۋرالى SMS-حابارلامالار جىبەرىلگەن.
«جالپى ەلىمىزدىڭ ءاربىر ازاماتى «Enbek.kz» پورتالى, حالىقتى جۇمىسپەن قامتۋ ورتالىعى نەمەسە 1414 بىرىڭعاي بايلانىس ورتالىعى ارقىلى جۇمىسقا ورنالاسۋ, جۇمىسىنان ايىرىلۋىنا بايلانىستى الەۋمەتتىك تولەم الۋ جانە باسقا دا مەملەكەتتىك قولداۋ شارالارى تۋرالى كەڭەس الا الادى», دەدى قر ەحاقم حالىقتى جۇمىسپەن قامتۋ دەپارتامەنتىنىڭ ديرەكتورى اسقار نيازوۆ.
ەسكە سالا كەتەيىك, 2023 جىلدىڭ 1 قاڭتارىنان باستاپ قازاقستاندا وتباسىنىڭ تسيفرلىق كارتاسى ەنگىزىلدى. ول مەملەكەتتىك ورگانداردىڭ اقپاراتتىق جۇيەلەرىنىڭ دەرەكتەرى نەگىزىندە مەملەكەتتىك قولداۋعا قۇقىلى ازاماتتاردى انىقتاپ, ولارعا پرواكتيۆتى فورماتتا كومەك كورسەتۋگە مۇمكىندىك بەرەدى.