تريوتروتيللومانيا دەگەن قانداي كەسەل؟

بۇل قالاي بولعانى دەسەڭىز, الدىمەن كىشكەنتاي ناۋقاستىڭ ءىشى اۋىرىپ, ءبىر اپتا بويى قۇسىپ, تابەتى بولماي, جالپى السىزدىك مازالاعان. اۋرۋحاناعا جاتقىزىلعانعا دەيىن ول اسقازان-ىشەك جولدارى جۇمىسىنان جاڭىلعان سوڭ امبۋلاتورلىق ەم قابىلداعان. 1 اقپان كۇنى قىزدا ءجىتى اپپەنديتسيت بار دەگەن بولجاممەن قابىلداۋ بولىمىنە جەتكىزىلىپ, ديناميكالىق باقىلاۋ بارىسىندا مۇنداي اۋرۋى­­­­ جوق ەكەنى انىقتالادى. وسىدان كەيىن وعان شۇعىل تۇردە ىشكى اعزالارىنا ۋدز, ەزوفاگوگاسترودۋودەنوسكوپيا جاسالادى.

«اسپاپتىق تەكسەرۋ ساتىسىندا اسقازاندا كولەمدى «دىبىس ىزدەرىن» قۇرايتىن كوپتەگەن ەحو-تەرىس تۇزىلىسكە تولعانى بەلگىلى بولدى. زەرتتەۋ ناتيجەلەرى اسقازان قۋىسىندا زاتتى كورسەتىپ, كولەمدى گەتەروگەندى بولشەكتەن, شاش تۇيدەكتەرى مەن شىرىشتان تۇراتىن لاس, قارا ءتۇستى بوگدە دەنە انىقتالىپ, «اسقازان تريحوبەزوارى» دياگنوزى قويىلدى, دەيدى بالالار شۇعىل مەديتسينالىق كومەك كورسەتۋ ورتالىعىنىڭ ءىرىڭدى جانە كەۋدە حيرۋرگياسى ءبولىمىنىڭ مەڭگەرۋشىسى ساماتبەك مىرزاحمەت.

وسىدان كەيىن دارىگەرلەر ناۋقاسقا ناركوزبەن لاپاروتوميا, گاستروتوميا, ياعني اسقازاننان بوگدە زاتتى الۋ وپەراتسياسىن جاسادى.

«اسقازان قۋىسىندا كولەمى – 16*6*5 سم, سالماعى 1000 گ بولاتىن, ۇيىسقان شاشتان تۇراتىن تاماق ماسساسى مەن شىرىشتى كونگلومەرات تۇرىندەگى بوگدە, تىعىز زات تابىلىپ, اسقازاننان الىندى», دەيدى مەديتسينا عىلىمدارىنىڭ كانديداتى, بالالار حيرۋرگى ساۋلە سۇلەيمانوۆا.

ماماندار ءار نارسەنى جۇتا بەرگەننەن اسقازان-ىشەك جولىندا جيناقتالا كەلە پايدا بولاتىن بوگدە زاتتاردى «بەزوارلار» دەپ اتايدى. ەڭ كوپ كەزدەسەتىنى وسىمدىك تەكتەس فيتوبەزوارلار, ول جاڭعاق, ءىنجىر, ءجۇزىم, شابدالى, تسيترۋس جەمىستەرىنەن پايدا بولادى. ورگانيكاتەكتى بەزوارلار كەيبىر دارىلىك زاتتار, لاك, شايىر جۇتقاندا تۇزىلەدى.

«پەدياتريالىق تاجىريبەدە شاش نەمەسە جۇننەن پايدا بولعان اسقازانداعى تۇزىلىمدەر ەرەكشە قىزىعۋشىلىق تۋدى­رادى. مۇنداي بەزوارلار شاش, قاس جانە كىرپىگىن ج ۇلىپ, جۇتۋعا پاتولوگيالىق بەيىمدىلىگى بار قىز بالالاردا كەزدەسەدى جانە تريوتروتيللومانيا دەپ اتالادى. بۇل اۋرۋ نەۆروز جابىسقان, ياكي دەۆيانتتى مىنەز-ق ۇلىقتى بالالاردا ءجيى كەزدەسەدى. ناتيجەسىندە, اسقازاندا تاماق قالدىعى مەن شىرىشپەن قورەكتەنگەن شاش شۇيكەسى پايدا بولادى. كەيدە ۇلكەن تريحوبەزوار اسقازاننان باستاپ ۇلتابار, اش ىشەككە دەيىن جەتەدى», دەيدى س.سۇلەيمانوۆا.

سونىمەن قاتار اتالعان ورتالىق حيرۋرگىنىڭ ايتۋىنشا, سالىستىرمالى تۇردە اعزاداعى مۇنداي كىنارات سيرەك كەزدەسەتىندىكتەن, پراكتيكالىق دارىگەرلەر وسى كەسەلگە بەيىم بالالاردى ۋاقتىلى تەكسەرە بەرمەيدى. ال تريحوبەزوارلاردىڭ كولەمى ۇلعايىپ, ومىرگە قاۋىپ توندىرەتىندەي اسقىنعان كەزدە اسقازان جاراسىنان قان كەتۋ, اسقازان قابىرعاسىنىڭ نەكروزى, ىشەك وتىمسىزدىگى سياقتى دياگنوز قويىلادى. تريحوبەزواردىڭ ءتۇزىلۋى بالالاردىڭ دەنساۋلىعىنا ايتارلىقتاي اسەر ەتەتىن انەميا, گيپوپروتەينەميا, كاحەكسيامەن قاتار ءجۇرۋى مۇمكىن.

اسقازان تريحوبەزوارى مولشەرىنە, ورنالاسقان جەرى مەن قالىپتاسۋ ۇزاقتىعىنا, سونداي-اق ونىڭ سالدارىنان تۋىندايتىن اسقىنۋلاردان كورىنەدى. بۇل اۋرۋ ىلعي جۇرەك اينۋ, ءتوس استىنىڭ اۋىرۋى, كەكىرگەندە قىشقىل ءيىستىڭ شىعۋى, تابەتتىڭ تومەندەۋى, قايتا-قايتا قۇسۋ, جالپى السىزدىك, سالماق جوعالتۋ سياقتى بەلگىلەرمەن سيپاتتالادى. سوندىقتان سيرەك كەزدەسسە دە, سوڭى قايعىلى جاعدايلارعا دۋشار ەتپەۋ ءۇشىن ماماندار تاۋەكەل توبىنداعى بالالارعا ەرەكشە نازار اۋدارۋ كەرەك ەكەنىن العا تارتادى.

بىرىنشىدەن, تريحوبەزوارلار دەۆيانتتى مىنەز-ق ۇلىقتان زارداپ شەگەتىن بالالاردا پايدا بولاتىندىقتان, سوما­تي­كالىق نەمەسە حيرۋرگيالىق ستاتسيونارلارعا ءىشى اۋىرىپ تۇسكەن ناۋقاستاردىڭ پسيحوەموتسيونالدى جاعداي مەن باسقا دا جامان ادەتتەردىڭ بار-جوعىن انىقتاپ الۋى قاجەت. جانە ديسپانسەرلىك باقىلاۋدا تۇرعان اقىل-ەس كەمىستىگى بار بالالاردىڭ بارلىق اعزاسىن زەرتتەي وتىرىپ, ءىش قۋىسىن جۇيەلى تۇردە ۋلترادىبىستىق باقىلاۋدان وتكىزۋ كەرەك. ۇشىنشىدەن, ۆەگەتاتيۆتىك-تامىرلىق ديستونيا, قۇرىسۋ ۇستاماسى, نەۆروتيكالىق جاعداي سيندرومى, جۇلقىلاپ ويناۋعا, جۇلۋعا, شاش جۇتۋعا, تىرناق تىستەۋگە پاتولوگيالىق بەيىمدىلىگى بار بالالارعا ءىش قۋىسىنا ۋلترادىبىستىق سكرينينگ جاسالۋى كەرەك.

الماتى