ورتالىق سايلاۋ كوميسسياسىنىڭ مالىمەتىنشە, ءتورت ساياسي پارتيادان پارتيالىق ءتىزىم بويىنشا پارلامەنت ءماجىلىسىنىڭ دەپۋتاتتىعىنا كانديداتتار ۇسىنۋ تۋرالى قۇجاتتار ۇسىنىلعان, دەپ حابارلايدى Egemen.kz.
قازىرگى تاڭدا كەلەسى پارتيالاردان قۇجاتتار ۇسىنىلدى:
«قازاقستان حالىق پارتياسى» قوعامدىق بىرلەستىگى;«اق جول» دەموكراتيالىق پارتياسى» قوعامدىق بىرلەستىگى;«جالپىۇلتتىق سوتسيال-دەموكراتيالىق پارتياسى» رەسپۋبليكالىق قوعامدىق بىرلەستىگى;«بايتاق» جاسىلدار پارتياسى» قوعامدىق بىرلەستىگى.
21 قاڭتاردا قر وسك باسشىسى نۇرلان ءابدىروۆ ءماجىلىس سايلاۋىنا جەتى پارتياعا قاتىسۋعا رۇقسات بەرىلگەنىن حابارلاعان ەدى. ولار قازاقستاننىڭ «اق جول» دەموكراتيالىق پارتياسى; «امانات»; «اۋىل» حالىقتىق-دەموكراتيالىق پارتياسى; «بايتاق» جاسىلدار پارتياسى; جالپىۇلتتىق سوتسيال-دەموكراتيالىق پارتياسى; قازاقستان حالىق پارتياسى; رەسپۋبليكالىق پارتيا.
ايتا كەتەيىك, ءماجىلىس سايلاۋى 2023 جىلدىڭ 19 ناۋرىزىنا بەلگىلەنگەن.