جاقىپ اسانوۆ سەنات توراعاسىنىڭ ورىنباسارى بولدى

«بۇل – زور جاۋاپكەرشىلىك. سوندىقتان ءوز مىندەتىمدى ورىنداۋ ءۇشىن بار ءبىلىمىمدى, تاجىريبەمدى جۇمساۋعا دايىنمىن», دەدى جاقىپ اسانوۆ.

جاقىپ قاجمان ۇلى 1963 جىلى 17 تامىزدا قىزىلوردا قالاسىندا دۇنيەگە كەلگەن. كيروۆ اتىنداعى قازاق مەملەكەتتىك ۋنيۆەرسيتەتىن بىتىرگەن. زاڭ عىلىمدارىنىڭ كانديداتى. ۋنيۆەرسيتەتتى بىتىرگەننەن كەيىن قىزىلوردا وبلىستىق ادۆوكاتتار القاسىندا تاعىلىمدامادان وتكەن.

1985-1986 جىلدارى قىزىلوردا وبلىسىنىڭ پروكۋراتۋرا ورگاندارىندا وبلىس پروكۋرورىنىڭ كومەكشىسى, اعا كومەكشىسى جانە وبلىستىق پروكۋراتۋرادا ءبولىم باستىعى قىزمەتتەرىن اتقاردى.

1993-1994 جىلدارى - قازاقستان رەسپۋبليكاسى باس پروكۋراتۋراسىنىڭ جالپى قاداعالاۋ باسقارماسىنىڭ اعا پروكۋرورى, قازاقستان رەسپۋبليكاسى باس پروكۋراتۋراسىنىڭ جالپى قاداعالاۋ باسقارماسىنىڭ بانكتەر, قارجى-نەسيە قاتىناستارى تۋرالى جانە تەكسەرۋ ورگاندارىنداعى زاڭنامانىڭ ساقتالۋىن قاداعالاۋ ءبولىمىنىڭ باستىعى.

1994-1996 جىلدارى - قازاقستان رەسپۋبليكاسى پرەزيدەنتى اكىمشىلىگىنىڭ زاڭدىلىق, قۇقىقتىق ءتارتىپ جانە سوت رەفورماسىن قامتاماسىز ەتۋ ءبولىمىنىڭ كونسۋلتانتى, سەكتور مەڭگەرۋشىسى.

1996-1997 جىلدارى - وڭتۇستىك قازاقستان وبلىسى بويىنشا سالىق پوليتسياسى باسقارماسى باستىعىنىڭ ءبىرىنشى ورىنباسارى.

1997-2001 جىلدارى - قازاقستان رەسپۋبليكاسى باس پروكۋرورىنىڭ اعا كومەكشىسى - الەۋمەتتىك-ەكونوميكالىق سالاداعى زاڭدىلىقتى قاداعالاۋ باسقارماسى باستىعىنىڭ ورىنباسارى, وسى باسقارمانىڭ باستىعى, قازاقستان رەسپۋبليكاسى باس پروكۋراتۋراسىنىڭ مەملەكەتتىك ورگاندار قىزمەتىندەگى زاڭدىلىقتى قاداعالاۋ دەپارتامەنتىنىڭ باستىعى.

2001-2002 جىلدارى - الماتى قالاسى پروكۋرورىنىڭ ءبىرىنشى ورىنباسارى.

2002-2003 جىلدارى - پاۆلودار وبلىسىنىڭ پروكۋرورى.

2003-2005 جىلدارى - قازاقستان رەسپۋبليكاسىنىڭ ادىلەت ۆيتسە-ءمينيسترى.

2005-2007 جىلدارى - «اتامەكەن» قازاقستان كاسىپكەرلەرى مەن جۇمىس بەرۋشىلەرىنىڭ جالپىۇلتتىق وداعى اتقارۋشى ديرەكتورىنىڭ ورىنباسارى, «قازاقستان كوممۋنالدىق جۇيەلەرى» اق ديرەكتورلار كەڭەسىنىڭ توراعاسى.

2006-2007 جىلدارى - «ورداباسى» كورپوراتسياسى» اق پرەزيدەنتى جانە ديرەكتورلار كەڭەسىنىڭ مۇشەسى.

2007-2011 جىلدارى - IV سايلانعان قازاقستان رەسپۋبليكاسى پارلامەنتى ءماجىلىسىنىڭ دەپۋتاتى.

2012 جىلى قاڭتار-قىركۇيەك - V سايلانعان قازاقستان رەسپۋبليكاسى پارلامەنتى ءماجىلىسىنىڭ دەپۋتاتى.

2012-2017 جىلدارى قر باس پروكۋرورىنىڭ ورىنباسارى. باس پروكۋرور.

2017-2022 جىلدارى قر جوعارى سوتىنىڭ توراعاسى بولدى.

«قۇرمەت» وردەنىمەن, «قازاقستان رەسپۋبليكاسىنىڭ تاۋەلسىزدىگىنە 10 جىل» مەدالىمەن, «قازاقستان رەسپۋبليكاسى پروكۋراتۋراسىنىڭ قۇرمەتتى قىزمەتكەرى» توسبەلگىسىمەن ماراپاتتالعان.