ەكىباستۇز اكىمى اپپاراتىنىڭ باسشىسى بولىپ جانداربەك تورەبەكوۆ تاعايىندالدى, دەپ حابارلايدى Egemen.kz اكىمدىكتىڭ ءباسپاسوز قىزمەتىنە سىلتەمە جاساپ.
1994 جىلى تۋعان, جوعارى ءبىلىمى بار. مەملەكەتتىك قىزمەتتە التى جىلدان استام ۋاقىت ىستەپ كەلەدى.
جانداربەك تورەبەكوۆ ەڭبەك جولىن اقسۋ قالاسىنىڭ جۇمىسپەن قامتۋ جانە الەۋمەتتىك باعدارلامالار بولىمىندە الەۋمەتتىك قىزمەتكەر بولىپ باستادى. ءار جىلدارى اقسۋ قالاسى ازاماتتىق حال اكتىلەرىن تىركەۋ ءبولىمىنىڭ باس مامانى, اقسۋ قالاسى اكىمىنىڭ اپپاراتى ۇيىمداستىرۋ-باقىلاۋ ءبولىمىنىڭ باس مامانى بولىپ قىزمەت اتقارعان.
بۇگىنگە دەيىن جانداربەك تورەبەكوۆ پاۆلودار وبلىسى اكىمى اپپاراتىنىڭ حاتتامالىق-ۇيىمداستىرۋشىلىق جانە اۋماقتىق جۇمىس ءبولىمىنىڭ باسشىسى بولىپ قىزمەت اتقاردى.