بۇگىن حوككەيدەن قازاقستاننىڭ جاستار قۇراماسى لەيك-پلەسيدتە وتەتىن 2023 جىلعى ۋنيۆەرسيادادا توپتىق كەزەڭدەگى سوڭعى ماتچىن وتكىزەدى, دەپ حابارلايدى Egemen.kz Sports.kz سايتىنا سىلتەمە جاساپ.
قازاقستان - اقش كەزدەسۋى استانا ۋاقىتى بويىنشا 20:30-دا باستالادى.
ءتورت ويىننان كەيىن قازاقستان قۇراماسىنىڭ ەنشىسىندە 12 ۇپاي بار. قازاقستان نەگىزگى ۋاقىتتا ءتورت رەت جەڭىسكە جەتىپ, ۇلكەن ناتيجە كورسەتتى. بۇعان دەيىن قازاقستان حوككەيشىلەرى وڭتۇستىك كورەيا (5:1), ۆەنگريا (9:1), ۇلىبريتانيا (15:1) جانە سلوۆاكيا (4:0) قۇرامالارىن جەڭدى.
كوماندالاردىڭ توپتاعى ورنىنا كەلسەك, قازاقستان – 12 ۇپاي (4 ماتچ), سلوۆاكيا – 9 ۇپاي (4 ماتچ), اقش – 6 ۇپاي (3 ماتچ), ۆەنگريا – 6 ۇپاي (4 ماتچ). ), وڭتۇستىك كورەيا – 0 ۇپاي (3 ماتچ), ۇلىبريتانيا – 0 ۇپاي (4 ماتچ). ءبىرىنشى جانە ەكىنشى ورىن العان كوماندالار پلەي-وفف كەزەڭىنە وتەدى.