بۇگىن ەلىمىزدىڭ باسىم بولىگىندە كۇن اشىق بولادى

«تۇندە سولتۇستىك قازاقستان, شىعىس قازاقستان, جەتىسۋ جانە الماتى وبلىستارىنىڭ تاۋلى اۋداندارىندا -25-26 گرادۋسقا دەيىن قاتتى اياز بولادى», دەپ حابارلادى «قازگيدرومەت» رمك سينوپتيكتەرى.

استانادا كۇن بۇلتتى, جاۋىن-شاشىنسىز وتەدى. باتىس, وڭتۇستىك-باتىستان جەل سوعىپ, ەكپىنى 2-7 م/س جەتەدى. اۋا تەمپەراتۋراسى تۇندە -22-24°س, كۇندىز -13-15°س.

الماتىدا ازداعان بۇلتتىلىق ساقتالادى, الايدا كۇن جاۋىن-شاشىنسىز وتەدى. 0-5 م/س جەل سوعادى. اۋا تەمپەراتۋراسى تۇندە -15-17°س, كۇندىز -5-7°س.

شىمكەنتتە دە جاۋىن-شاشىنسىز اۋا رايى كۇتىلەدى. شىعىستان سوعاتىن جەلدىڭ ەكپىنى 3-8 م/س دەيىن جەتەدى. اۋا تەمپەراتۋراسى تۇندە -13-15°س, كۇندىز -1+1°س.