جارىلىستان ءۇش ادام قازا تاپتى

بۇل ۇيدە 127 پاتەر بار. جارىلىس 8-قاباتتاعى پاتەردە بولعان. جارىق جۇيەسىنەن اعىتىلعان ءۇي تۇرعىندارى دەرەۋ قوناق ۇيلەر مەن جاتاقحانالارعا ورنا­لاستىرىلعان. جارىلىستىڭ سەبە­بى العاشقى بولجام بويىنشا گاز دەپ حابارلانعان ەدى. الايدا سوڭىرا وقيعا ورنىن زەرتتەۋ بارىسىندا گاز قۇرىلعىسى تابىلماعان. قازىر جارىلىستىڭ ناقتى سەبەبى انىقتالىپ جاتىر.

وبلىستىڭ توتەنشە جاعدايلار دەپار­تامەنتىنىڭ حابارلاۋىنشا, 10 قاڭ­تاردا ساعات 21.29-دا رەسپۋبليكا داڭعىلى, 18/2 مەكەنجايداعى 16 قا­باتتى 127 پاتەرلى تۇرعىن ۇيدەن ءورت شىق­قانى تۋرالى حابارلاما كەلىپ تۇسكەن.

«8-قاباتتاعى پاتەردە جالپى اۋدانى 30 شارشى مەتردى العان ءورت بولدى. جانىپ جاتقان پاتەردەن 1979 جىلى تۋعان ەر ادام قۇلاپ كەتكەن. ول اۋرۋحاناعا جاتقىزىلدى. بارلاۋ بارى­سىندا ءۇش ادامنىڭ دەنەسى تابىلدى. بولجام بويىنشا ەكەۋى – ەر, بىرەۋى – ايەل ادام. توتەنشە جاعدايلار دەپار­تامەنتى قىزمەتكەرلەرىنىڭ كۇشى­­مەن 48 ادام قۇتقارىلدى. ونىڭ ىشىندە 9 بالا بار. 82 ادام ەۆاكۋاتسيالاندى, ونىڭ 21-ءى بالا. ساعات 22.55-تە ءورت ءسوندىرىلدى. ءتىلسىز جاۋدى اۋىزدىقتاۋعا تجم بولىم­شە­لەرىنەن 88 ادام مەن 23 تەحنيكا جۇ­مىل­دى­رىل­دى.

وقيعا ورنىنان گاز قۇرىلعىلارى تابىلعان جوق. ەشقانداي قيراۋ مەن قۇرى­لىمدىق بۇزىلۋ جوق. جىلۋ­مەن جابدىقتاۋ جۇيەلەرى بۇزىل­ماعان. ءورتتىڭ سەبەبى انىقتالۋدا», دەپ حابارلادى توتەنشە جاعدايلار دەپارتامەنتى. ەۆاكۋاتسيالانعان تۇر­عىندار تۋىستارىنا, قوناق ۇي­لە­رى­نە ورنالاستىرىلدى. وقيعا ورنىندا پسيحولوگتار جۇمىس ىستەپ جاتىر. 

«بارلىق 126 پاتەردىڭ تۇرعىنى ەۆاكۋاتسيالاندى. جەرگىلىكتى جەردە جەدەل-تەرگەۋ توبى جۇمىس ىس­تەي­دى. قازىر ۇيدە ەلەكتر قۋاتى جوق. بىراق جىلۋ بار. جاقىن ارادا ءۇي تەك­سە­رىلىپ, تۇرعىنداردى قايتارۋ جونىندە شەشىم قابىلدايمىز. پاتەرلەرىنە ورالعىسى كەلەتىندەر قايتىپ كەلەدى. تومەنگى جەتى پاتەر عانا زارداپ شەك­­تى. جوعارعى, تومەنگى پاتەرلەردى ءورت شار­پىعان جوق», دەدى قاراعاندى اكىمى مىندەتىن اتقارۋشى مەيرام كوجۋحوۆ.

دارىگەرلەردىڭ ايتۋىنشا, اۋرۋحا­نا­عا تۇسكەن ناۋقاستىڭ جاعدايى ورتاشا اۋىر.

«ناۋقاس ەسىن جوعالتقان جوق, رەا­نيماتسيادا جاتىر. دارىگەرلەر تاراپىنان بارلىق قاجەتتى مەديتسينالىق كومەك كورسەتىلەدى. ناۋقاستىڭ كەۋدە قۋىسى, جىلىنشىك سۇيەكتەرى سىنعان», دەپ حابارلادى قاراعاندى وبلىسى دەن­ساۋلىق ساقتاۋ باسقارماسىنىڭ ءباسپاسوز قىزمەتى.

قاراعاندى وبلىسىنىڭ پوليتسيا دەپارتامەنتى ءورت بويىنشا قىل­مىس­تىق ءىس قوزعالعانىن مالىمدەدى. كىنالى انىقتالسا, وعان ەكى مىڭ ايلىق ەسەپتىك كورسەتكىش مولشەرىندە ايىپپۇل سالىنادى نەمەسە ول ەكى جىلعا باس بوس­تان­دى­عىنان ايىرىلادى.

«كوپقاباتتى ۇيدە بولعان ءورت دە­رەگى بويىنشا, پوليتسيا قىزمەت­كەر­لەرى قىلمىستىق كودەكستىڭ 204-بابى 2-تارماعى «وتپەن نەمەسە قاۋىپ­تىلىگى جوعارى وزگە دە كوزدەرمەن جۇ­مىس ىستەۋ ارقىلى جاسالعان اۋىر زار­داپ­تارعا اكەلگەن بوتەننىڭ مۇلكىن جويۋ نەمەسە ءبۇلدىرۋ» بويىن­شا قىلمىستىق ءىستى تىركەدى. بۇل باپ­تىڭ سانكتسياسىنا سايكەس ەكى مىڭ ايلىق ەسەپتىك كور­سەتكىش مولشەرىندە ايىپ­پۇل نەمەسە سول مولشەردە تۇزەۋ جۇ­مىس­تارىنا جىبەرۋ نەمەسە ەكى جىلعا دەيىن باس بوستاندىعىنان ايىرۋ جا­زا­سى كوزدەلگەن. قازىرگى ۋاقىتتا ءتيىستى ساراپتامالار تاعايىندالدى. تەر­گەۋ امالدارى جۇرگىزىلۋدە», دەيدى قارا­عاندى وبلىسى پوليتسيا دە­پار­تامەنتىنىڭ ءباسپاسوز قىزمەتى.

قاراعاندى