جاپونيا ەلشىلىگى استانادا جاپونيانىڭ 126-شى يمپەراتورى نارۋحيتونىڭ تۋعان كۇنىنە ارنالعان سالتاناتتى قابىلداۋ وتكىزدى. وندا قاتىسۋشىلار جاپون حالقىنىڭ مادەنيەتىمەن كەڭىنەن تانىستى, دەپ جازادى Egemen.kz.
ەكى ەلدىڭ ءانۇراندارى شىرقالعان سوڭ, جاپونيانىڭ قازاقستانداعى توتەنشە جانە وكىلەتتى ەلشىسى يدجيما ياسۋماسا مەن ونەركاسىپ جانە قۇرىلىس ءمينيسترى ەرسايىن ناعاسپاەۆ ءسوز سويلەپ, قازاق-جاپون بايلانىسىنا توقتالدى.
«وتكەن جىل جاپونيا مەن قازاقستان اراسىنداعى قارىم-قاتىناستاردىڭ جاڭا بەلەسكە كوتەرىلگەن كەزەڭى بولدى. جوعارى دەڭگەيدەگى كەزدەسۋلەر مەن ءوزارا ساپارلار ەكى ەل اراسىنداعى ىنتىماقتاستىقتى بۇرىنعىدان دا تەرەڭدەتە ءتۇستى. بۇل ءوزارا سەنىمگە نەگىزدەلگەن ستراتەگيالىق سەرىكتەستىگىمىزدىڭ ايقىن كورىنىسى. «ورتالىق ازيا + جاپونيا» فورماتىنداعى العاشقى كوشباسشىلار ءسامميتىنىڭ ءساتتى وتكەنىن ەرەكشە اتاپ وتكەن ءجون. ءبىز ءوڭىردىڭ دەربەس, بەيبىت ءارى ورنىقتى دامۋىن قولدايمىز. جاپونيانىڭ تاجىريبەسىنە, تەحنولوگياسىنا جانە ادام قاۋىپسىزدىگى قاعيداتتارىنا سۇيەنە وتىرىپ, ءوڭىردىڭ ەكونوميكالىق جانە الەۋمەتتىك وركەندەۋىنە الداعى ۋاقىتتا دا ءوز ۇلەسىمىزدى قوسۋدى جالعاستىرامىز», دەدى ەلشى.
جاپونيادا جاۋعان قالىڭ قار سالدارىنان 40-تان استام ادام قازا تاپتى
سالتاناتتى قابىلداۋعا ارنايى كەلگەن ونەركاسىپ جانە قۇرىلىس ءمينيسترى ەرسايىن ناعاسپاەۆ قاتىسۋشىلاردى جاپونيانىڭ ۇلتتىق كۇنى – يمپەراتوردىڭ تۋعان كۇنىمەن قۇتتىقتاپ, جاپونيا ەلىمىزدىڭ ماڭىزدى ستراتەگيالىق سەرىكتەستەرىنىڭ ءبىرى ەكەنىن ايتاپ ءوتتى.
بۇدان سوڭ, ءىس-شاراعا قاتىسقان شەتەلدىك ديپلوماتتار, ەلىمىزدىڭ مەملەكەتتىك ورگاندار, مادەني ورتا مەن باق وكىلدەرى «كاگاميۆاري» دەپ اتالاتىن جاپوننىڭ ۇلتتىق ساكەسى قۇيىلعان بوشكەنى جارۋ سالتاناتىنا كۋا بولدى.
تۇركىستان وبلىسىنىڭ وكىلى جاپونياداعى حح ازيا ويىندارىندا تورەلىك ەتەدى
يمپەراتور نارۋحيتو 1960 جىلى 23 اقپاندا توكيودا دۇنيەگە كەلگەن. ول تاققا 2019 جىلدىڭ 1 مامىرىندا وتىرعان. مۇراگەر بولىپ جاريالانباس بۇرىن ول حيرو-نو-ميا اتاعىن يەمدەندى.1989 جىلى 7 قاڭتاردا اتاسى حيروحيتونىڭ قايتىس بولۋىمەن ول تاقتىڭ مۇراگەرى بولدى. قايىرىمدىلىقپەن اينالىسادى.
جالپى جاپونيا يمپەراتورى مەملەكەت جانە حالىق بىرلىگىنىڭ سيمۆولى رەتىندە قۇرمەتتەلەدى جانە ۇلتتىق تۇتاستىقتى, ۇيلەسىمدىلىك پەن تۇراقتىلىقتى نىعايتۋدا ماڭىزدى ءرول اتقارادى.
جاپونيانى مويىنداتقان ەرسىن بالتاعۇل بالۋاندارعا ءادىس-تاسىلدەرىن كورسەتتى