كواليتسيا وكىلدەرى جامبىل وبلىسىنىڭ جۇرتشىلىعىمەن كەزدەستى

وڭىردە كواليتسيا مۇشەلەرى جۇرتشىلىقپەن, جاستارمەن, ەڭبەك ۇجىمدارىمەن جانە شاعىن بيزنەس وكىلدەرىمەن اڭگىمەلەستى. كەزدەسۋگە قاتىسۋشىلار جاڭا كونستيتۋتسيا مەملەكەتتىڭ ۇزاق مەرزىمگە نەگىزدەلگەن ۇلتتىق مۇددەسىنە تولىق ساي كەلەتىنىن اتاپ ءوتتى.

«كونە تاراز» تاريحي-مادەني كەشەنىندە وتكەن جۇرتشىلىقپەن كەزدەسۋگە وبلىستىڭ شامامەن 500 تۇرعىنى – زيالى قاۋىم وكىلدەرى, ارداگەرلەر, مەديتسينا قىزمەتكەرلەرى, پەداگوگتار جانە وزگە دە ازاماتتار قاتىستى.

ءوز كەزەگىندە ەرلان قوشانوۆ مەملەكەت باسشىسى قاسىم-جومارت توقاەۆتىڭ پرەزيدەنت قىزمەتىنە كىرىسكەن ساتىنەن باستاپ جاڭا كونستيتۋتسيانىڭ نەگىزى قالانا باستاعانىن, ال قۇجاتتىڭ ءوزى اۋقىمدى قوعامدىق ديالوگتىڭ ناتيجەسىنە اينالعانىن اتاپ ءوتتى.

«رەفەرەندۋم ۇلتىمىزدىڭ بىرلىگىن, تۇتاستىعىن ايشىقتايدى. بۇل پرەزيدەنتتىڭ حالقىنا ارقا سۇيەيتىنىن, ال حالىق پرەزيدەنتكە سەنەتىنىن كورسەتەدى. ەل دامۋىندا رەفەرەندۋم شەشۋشى ءرول اتقارعان مۇنداي مىسالدار الەمدە دە جەتكىلىكتى. ماسەلەن, XIX عاسىرداعى شۆەيتسارياداعى كونستيتۋتسيا جونىندەگى رەفەرەندۋم, فرانتسياداعى بەسىنشى رەسپۋبليكا قۇرۋ بويىنشا وتكەن رەفەرەندۋم دۇنيە ءجۇزى تاريحىندا قالدى. الداعى ءبىزدىڭ رەفەرەندۋم دا ەل تاريحىندا التىن ارىپپەن جازىلاتىن تاريحي وقيعاعا اينالادى دەپ سانايمىن. سوندىقتان تاڭداۋ دا, سوڭعى شەشىم دە وزدەرىڭىزدە», دەدى ول.

ءماجىلىس سپيكەرى وبلىس تۇرعىندارىنىڭ بەلسەندى ازاماتتىق ۇستانىمىن, مەملەكەت باسشىسىنىڭ رەفورمالارى مەن ساياساتىنا جۇيەلى تۇردە قولداۋ كورسەتىپ كەلە جاتقانىن ەرەكشە اتاپ ءوتتى. ونىڭ ايتۋىنشا, جاڭا كونستيتۋتسيا جوباسىنان ءاربىر ازامات ءوزىن تولعاندىرعان سۇراقتارعا جاۋاپ تابا الادى. ونىڭ نەگىزىندە «ادام مەملەكەت ءۇشىن ەمەس, مەملەكەت ادام ءۇشىن» دەگەن قاعيدات بەرىك ورنىقتى.

جالپىۇلتتىق كواليتسياسىنىڭ استانا قالالىق فيليالى قۇرىلدى: 1 000 ءىس-شارا وتكىزىلەدى

كەزدەسۋگە قاتىسۋشىلار ءاربىر قازاقستاندىق ازاماتقا جاقىن ادىلەتتى قازاقستان, زاڭ مەن ءتارتىپ, ادال ازامات, تازا قازاقستان سىندى قاستەرلى قۇندىلىقتارعا نازار اۋداردى. ال پرەزيدەنتتىڭ ءىس جۇزىندە جۇزەگە اسىرىلىپ جاتقان «حالىقپەن بىرگە» قاعيداتى ەل ازاماتتارىنىڭ مەملەكەت بولاشاعىن ايقىنداۋ ىسىندەگى ءوز ءرولىن تەرەڭ سەزىنۋىنە مۇمكىندىك بەردى.

كەزدەسۋ بارىسىندا كواليتسيا مۇشەلەرى جاڭا كونستيتۋتسيا جوباسىنداعى نەگىزگى نوۆەللالار تۋرالى باياندادى.

قاراعاندى وبلىسىندا وڭىرلىك كواليتسيا قۇرىلدى

ءوز سوزىندە ءماجىلىس دەپۋتاتى ايدوس سارىم الەمدە كۇردەلى گەوساياسي وزگەرىستەر ءجۇرىپ جاتقانىن, بۇرىنعى حالىقارالىق ءتارتىپ بىرتىندەپ ءوز ماڭىزىن جوعالتىپ, مەملەكەتتەر جاڭا جاعدايعا بەيىمدەلۋگە ءماجبۇر بولىپ وتىرعانىن اتاپ ءوتتى. ونىڭ ايتۋىنشا, ءدال وسى تۇستا مەملەكەتتىڭ ىشكى تۇراقتىلىعىن الدىن الا نىعايتىپ, جۇيەلى رەفورمالار ارقىلى ورنىقتى دامۋدى قامتاماسىز ەتۋ اسا ماڭىزدى.

تاراز قالاسىندا ستۋدەنت جاستارمەن دە كەزدەسۋ ءوتتى. وعان 500-دەن استام ادام – جاستار ۇيىمدارىنىڭ كوشباسشىلارى, بەلسەندىلەر جانە ستۋدەنتتىك ءوزىن-ءوزى باسقارۋ وكىلدەرى قاتىستى.

«قازفوسفات» جشس-نىڭ ءوندىرىس الاڭىندا كواليتسيا مۇشەلەرى كاسىپورىننىڭ ەڭبەك ۇجىمىمەن كەزدەستى.

اسا اۋىلىندا «قارىزسىز قوعام» جوباسىنا قاتىسۋشىلارمەن – شاعىن جانە ميكروبيزنەس وكىلدەرىمەن, ءوزىن-ءوزى جۇمىسپەن قامتىعان ازاماتتارمەن جانە اۋىل تۇرعىندارىمەن كەزدەسۋ ءوتتى. ءماجىلىس دەپۋتاتى ءارى جوبا جەتەكشىسى داۋلەت مۇقاەۆ بۇل باستامانىڭ جۇيەلى جۇزەگە اسۋى ءبىلىم بەرۋ جانە قولداۋ كورسەتۋ قادامدارى ادامداردىڭ ءوز ءومىرىن ءوز بەتىنشە وزگەرتۋىنە ناقتى مۇمكىندىك بەرەتىنىن ايقىن كورسەتكەنىن اتاپ ءوتتى.

شىمكەنتتە كونستيتۋتسيالىق رەفەرەندۋمدى قولداۋ كواليتسياسى ىسكە كىرىستى

وسى كۇنى Super-pharm فارماتسەۆتيكالىق زاۋىتىنىڭ ۇجىمىمەن كەزدەسۋ ءوتىپ, ونىڭ قىزمەتكەرلەرى الداعى رەفەرەندۋم اسا ماڭىزدى ەكەنىن مالىمدەدى.

كەزدەسۋلەر قورىتىندىسى بويىنشا جامبىل وبلىسىنىڭ تۇرعىندارى قۋاتتى, ادىلەتتى ءارى پروگرەسسيۆتى قازاقستان قۇرۋ ىسىنە ۇلەس قوسۋعا دايىن ەكەندەرىن جەتكىزدى.

ەسكە سالا كەتەيىك, «ادىلەتتى جانە پروگرەسسيۆتى قازاقستاننىڭ حالىقتىق كونستيتۋتسياسى ءۇشىن!» جالپىۇلتتىق كواليتسياسى بيىل 13 اقپاندا قۇرىلدى. ونىڭ قۇرامىنا 5 ساياسي پارتيا مەن شامامەن 300 قوعامدىق ۇيىم كىردى. ولار 5 ميلليونعا جۋىق قازاقستاندىق ازاماتتى بىرىكتىرۋدە.