قازاقستان پرەزيدەنتى قاسىم-جومارت توقاەۆ 2023 جىلى تاعايىنداعان جاڭا مينيسترلەر ۇكىمەتتىڭ ءبىرىنشى وتىرىسىندا ەل حالقىنا انت بەردى, دەپ حابارلايدى Egemen.kz.
ۇكىمەت وتىرىسىندا جاڭا مادەنيەت جانە سپورت ءمينيسترى اسحات ورالوۆ, ەكولوگيا جانە تابيعي رەسۋرستار ءمينيسترى ءزۇلفيا سۇلەيمەنوۆا, وقۋ-اعارتۋ ءمينيسترى عاني بەيسەمباەۆ, يندۋستريا جانە ينفراقۇرىلىمدىق دامۋ ءمينيسترى مارات قاراباەۆ جانە ادىلەت ءمينيسترى ازامات ەسقاراەۆ انت قابىلدادى.
«قازاقستان رەسپۋبليكاسىنىڭ حالقى مەن پرەزيدەنتىنىڭ الدىندا بار كۇش-جىگەرىم مەن ءبىلىمىمدى وتانىمنىڭ گۇلدەنۋى جولىندا جۇمساۋعا, مەملەكەتتىڭ كونستيتۋتسياسى مەن زاڭدارىن بۇلجىتپاي ساقتاۋعا, قازاقستان حالقىنا ادال قىزمەت ەتۋگە سالتاناتتى تۇردە انت ەتەمىن», دەدى مينيسترلەر.
پرەمەر-مينيستر ءاليحان سمايىلوۆ جاڭا مينيسترلەرگە ساتتىلىك تىلەدى.