مەملەكەت باسشىسى قاسىم-جومارت توقاەۆتىڭ وكىمىمەن اسات بولات ۇلى نۇرپەيىسوۆ قازاقستان رەسپۋبليكاسى پرەزيدەنتى ءىس باسقارۋشىسىنىڭ ورىنباسارى لاۋازىمىنا تاعايىندالدى, دەپ حابارلايدى Egemen.kz اقوردانىڭ رەسمي سايتىنا سىلتەمە جاساپ.
اسات نۇرپەيىسوۆ 1987 جىلى 18 شىلدەدە دۇنيەگە كەلگەن.
2010 جىلى پراگاداعى نيۋ-يورك ۋنيۆەرسيتەتىن «ەكونوميكا جانە مەنەدجمەنت» ماماندىعى بويىنشا, 2012 جىلى – ەۋروپالىق بيزنەس مەكتەبىن, MSc Global Banking and Finance ماگيستراتۋراسىن ءبىتىردى.
ەڭبەك جولىن 2012 جىلى KPMG Tax and Advisory مەنەدجمەنت كونسالتينگىندە باستادى. ءار جىلدارى مەملەكەتتىك باسقارۋ جۇيەسىن دامىتۋ دەپارتامەنتى باسقارماسىنىڭ باسشىسى, ۇلتتىق ەكونوميكا ءمينيسترىنىڭ كەڭەسشىسى, «بايتەرەك» ۇبح» اق كورپوراتيۆتىك قارجى دەپارتامەنتىنىڭ ديرەكتورى, پرەمەر-مينيستر كەڭسەسى جوبالىق باسقارۋ ورتالىعى باس ينسپەكتورى, مەڭگەرۋشىسىنىڭ ورىنباسارى, مەڭگەرۋشىسىنىڭ م.ا., ۇلتتىق بانك توراعاسى اپپاراتىنىڭ باسشىسى قىزمەتتەرىن اتقارعان.
2022 جىلدىڭ 16 اقپانىنان باستاپ الماتى اكىمى اپپاراتىنىڭ باسشىسى بولدى.
ايتا كەتسەك, اسات نۇرپەيىسوۆ - پرەزيدەنتتىك جاستار كادرلىق رەزەرۆىنىڭ مۇشەسى.