وسىنشاما ادام جانارىنا ميكروحيرۋرگيالىق وتانى ءساتتى جاساعان التىن قولدى حيرۋرگ تۋرالى مولتەك سىر
تىرلىكتە ايتىپ كەلمەيتىن اۋرۋلاردان ەشكىم اۋلاق ەمەس. قاي-قايسىسى دا اۋىر. ال ويلاماعان تۇستان كوز جانارى مۇنارلانىپ, بۇعان دەيىنگى جاپ-جارىق دۇنيە تاس تۇنەك بولىپ قالسا شە؟ ونداي جاعدايعا تاپ كەلەتىن ادامداردىڭ الەمدە از كەزدەسپەۋى ءومىر شىندىعى. بۇل جايت ءبىزدىڭ ەلىمىز ازاماتتارى باسىندا دا بار ەكەنى ءمالىم.
تاۋبە دەرسىڭ, ءبىر ءتاۋىرى وسى سىرقاتتىڭ الدىن الىپ, دەر كەزىندە ەمدەۋدە وتاندىق مەديتسينا الەۋەتى ەشكىمنەن كەم ەمەستىگى كوڭىل وسىرەدى. اۋرۋىنا شيپا ىزدەۋشىلەردىڭ الىسقا ات سابىلتپاي-اق, وڭىرلەردىڭ وزىندە ساۋىعا الۋىنا مۇمكىندىك جەتكىلىكتى دەسەك, سونىڭ ءبىرى جانە بىرەگەيى تۇرعىسىندا قاراعاندىداعى «گلازاليك» كلينيكاسىن اتاۋعا بولار ەدى. كوزدى ەمدەۋدىڭ سان ءتۇرلى تەحنولوگياسىمەن جاراقتانىپ, ونى بىلىكتىلىكپەن قولداناتىن وسى مەكەمەنىڭ قىزمەتى تۋرالى ايتىلعاندا الدىمەن باس دارىگەر ەلەنا باقتيارقىزى بايمۇقانوۆانىڭ ورنى بولەك دەۋگە بولادى. ءوزى دە دارىگەرلەر وتباسىندا وسكەن, بۇكىل ەرىك-جىگەرىن كوز دەرتى تاۋقىمەتىن تارتۋشىلارعا كومەككە سارپ ەتكەن ول ادامنىڭ ەڭ نازىك مۇشەسىنە 10 مىڭنان استام ميكروحيرۋرگيالىق وتا جاساعان. يزرايل, فرانتسيا, شۆەتسيا, يتاليا, تۇركيا ەلدەرىنىڭ وفتالمالوگيالىق ورتالىقتارىندا شەبەرلىك شىڭداعان ول بۇگىندە رەفلاكتسيالىق حيرۋرگيانى جۇرگىزۋشى ايماقتاعى نەكەن-ساياق مامان رەتىندە وسىناۋ دەرتكە ۇشىراۋشىلاردىڭ قايتادان ءومىردىڭ شاتتىعى مەن قىزىعىنا بولەنۋىنە ساۋابىن تيگىزىپ كەلەدى. ءوز ءىسىنىڭ حاس شەبەرلىگىنە قوسا ماماندىعىنا بايلانىستى مەديتسينالىق زەرتتەۋلەرمەن شۇعىلدانىپ, 30-عا تارتا ەڭبەكتىڭ اۆتورى رەتىندە عىلىمي ورتاعا دا تانىلعان.
ەلەنا باقتيارقىزىنىڭ ساراپتاۋى بويىنشا ەلىمىزدەگى ءاربىر 10-شى ادام كوز دەرتىنە ۇشىراۋشىلاردان ەكەن. وكىنىشكە قاراي, ءبىرازى اق شەل ءتۇسىپ, اسقىنعان شاقتا عانا ەمدەلۋگە كەلەتىن كورىنەدى. «مۇنداي نەمقۇرايدىلىقتىڭ الدىن الۋ كەرەك. ءبىز ءوز تاراپىمىزدان مەديتسينالىق كومەككە تىلەك بىلدىرۋشىلەردىڭ ەشقايسىسىن نازاردان تىس قالدىرماۋعا تىرىسامىز. كلينيكامىزدىڭ قىزمەتى سوعان لايىقتالعان. ۋلترادىبىستى فاكوەميلسيفيكاتور, ۆيترەورەتينالدى ميكروحيرۋرگيالىق, كومپيۋتەرلىك جۇيە, لازەرلىك تەحنولوگيا ءتارىزدى ەڭ وزىق قوندىرعىلاردى پايدالانۋ ارقىلى جاناردى قالپىنا كەلتىرەمىز. وفتالمولوگتەرگە قاتەلەسۋگە بولمايدى. مىندەتىمىزدىڭ قيىندىعى دا, جاۋاپكەرشىلىگى دە سوندا», دەيدى ول.
بيكەن احمەتوۆا,
جۋرناليست.
قاراعاندى.