اۋا-رايىنىڭ كۇرت ناشارلاۋىنا بايلانىستى ەلىمىزدىڭ ءتورت وڭىرىندە كۇرە جولدار جابىلدى, دەپ حابارلايدى Egemen.kz «قازاۆتوجول» كومپانياسىنىڭ ءباسپاسوز قىزمەتىنە سىلتەمە جاساپ.
«اقمولا, اقتوبە, قوستاناي جانە قىزىلوردا وبلىستارىندا بوران مەن قالىڭ قار سالدارىنان تاسجولداعى كورىنۋ ناشارلاپ بىرقاتار جول ۋچاسكەسىندە قوزعالىسقا شەكتەۋ ەنگىزىلدى. جول قىزمەتتەرى بارلىق ۋچاسكەلەردە كۇشەيتىلگەن رەجيمدە جۇمىس اتقارۋدا. ماسەلەن, 31 جەلتوقساننان باستاپ رەسپۋبليكالىق ماڭىزداعى تاسجولدار 2 مىڭ م3 كوكتايعاققا قارسى ارنايى قوسپامەن وڭدەلدى», دەلىنگەن حابارلامادا.
اۆتوكولىكتىڭ بارلىق ءتۇرى ءۇشىن كۇرە جولداردىڭ كەلەسى ۋچاسكەلەرى جابىق تۇر:
اقمولا وبلىسىندا قوزعالىس «قوستاناي-اۋليەكول-سۋرعان» تاسجولىنىڭ قوستاناي وبلىسىنىڭ شەكاراسىنان سۋرعان كەنتىنە دەيىن شەكتەلدى.
اقتوبە وبلىسىندا «سامارا-شىمكەنت» كۇرە جولىنىڭ بەلوگوركا كەنتىنەن قىزىلوردا وبلىسىنىڭ شەكاراسىنا دەيىنگى ارالىعى جابىلدى. سونداي-اق, «قارابۇتاق-كومسومول-دەنيسوۆكا-رۋدنىي-قوستاناي» تراسساسىنىڭ قارابۇتاق كەنتىنەن قوستاناي وبلىسىنىڭ شەكاراسىنا دەيىنگى ارالىعى جابىق تۇر.
قوستاناي وبلىسىندا «قارابۇتاق-كومسومول-دەنيسوۆكا-رۋدنىي-قوستاناي»; «دەنيسوۆكا-جەتىقارا-مىقتىكول»; "قوستاناي-اۋليەكول-سۋرعان" تاسجولدارىنىڭ ۋچاسكەلەرى جابىلدى.
قىزىلوردا وبلىسىندا «سامارا-شىمكەنت» اۆتوجولىنىڭ اقتوبە وبلىسىنان ارال قالاسىنا دەيىنگى ارالىعىندا قوزعالىسقا شەكتەۋ ەنگىزىلدى.