قازاقستاننىڭ ءبىرىنشى راكەتكاسى ەلەنا رىباكينا دۋبايدا ء(باا) 19-24 جەلتوقساندا وتەتىن World Tennis League تۋرنيرىندە ونەر كورسەتەدى, دەپ حابارلايدى Egemen.kz.
قازاقستان تەننيس فەدەراتسياسىنىڭ مالىمەتىنشە, جارىستا ءتورت توپقا («بۇركىتتەر», «سۇڭقارلار», «قارشىعالار», «اۋە جىلاندارى») بولىنگەن 18 ويىنشى ونەر كورسەتەدى.
ۋيمبلدون چەمپيونى ە.رىباكينا «قارشىعالار» توبىندا گەرمانيالىق الەكساندر زۆەرەۆ, اۋستريالىق دومينيك تيم جانە ەستونيالىق انەتت كونتاۆەيتپەن بىرگە وينايدى.
بارلىق توپ ءبىر-بىرىمەن كەزدەسەدى. ەڭ ۇزدىك ەكى توپ فينالدا كىم مىقتىنى انىقتايدى. ءار باسەكە ءۇش ويىننان تۇرادى, بىرەۋى ەرلەر, ەكىنشىسى ايەلدەر اراسىندا, ءۇشىنشىسى ارالاس جۇپتا (ميكست) بولادى.
ە.رىباكينا 20 جەلتوقساندا الەمنىڭ بەسىنشى راكەتكاسى, بەلارۋس وكىلى ارينا سوبولەنكومەن سىنعا تۇسەدى. 22-سىندە رىباكينا زۆەرەۆپەن بىرگە كانادالىقتار فەليكس وجە-الياسسيم - ەجەني بۋشارمەن كورتقا شىعادى. 23 جەلتوقسان كۇنى ەلەنا الەمنىڭ 4-راكەتكاسى, فرانتسيالىق كارولين گارسيامەن شەبەرلىك بايقاسادى.