سارسەنبى كۇنى مادريدتەگى ۋكراينا ەلشىلىگىندە جارىلىس بولىپ, ءبىر ادام زارداپ شەكتى, دەپ حابارلايدى Egemen.kz.
«يسپانياداعى ۋكراينا ەلشىلىگىنە كونۆەرت كەلدى. ونى تەكسەرۋ كەزىندە جارىلىس بولدى. قىزمەتكەر جەڭىل جاراقات الىپ, اۋرۋحاناعا جەتكىزىلدى. قاجەتتى مەديتسينالىق كومەك كورسەتىلەدى. ومىرگە قاۋىپ ءتونىپ تۇرعان جوق. ەلشىلىكتىڭ قالعان قىزمەتكەرلەرى زارداپ شەكپەگەن», دەپ جازدى ۋكراينا سىرتقى ىستەر مينيسترلىگىنىڭ ءباسپاسوز حاتشىسى ولەگ نيكولەنكو Facebook-تە.
ول سىرتقى ىستەر ءمينيسترى دميتري كۋلەبا ۋكراينانىڭ شەتەلدەگى بارلىق ەلشىلىكتەرىنىڭ قاۋىپسىزدىگىن شۇعىل تۇردە كۇشەيتۋدى تاپسىرعانىن اتاپ ءوتتى.
مينيستر جارىلىستىڭ ارتىندا كىم تۇرسا دا, ولار ۋكراينالىق ديپلوماتتاردى قورقىتا المايتىنىن باسا ايتتى.