تابيعات تاسىرلارى جازالاندى

وڭىردە براكونەرلىكتى, بيولو­گيالىق رەسۋرستار وبەكتىلەرىنىڭ زاڭ­سىز اينالىمىن انىقتاۋ جانە جولىن كەسۋ ماقساتىندا «براكونەر» جالپى رەسپۋبليكالىق جەدەل-پروفيلاك­تيكالىق ءىس-شاراسى وتكىزىلدى. ارنايى وپەراتسياعا جەرگىلىكتى پوليتسيا قىزمەتى, كوشى-قون جانە كريمينالدىق پوليتسيا, سون­داي-اق «ورمانعا جەدەل دەن قويۋ جاساعى» ينسپەكتورلارى, وبلىستىق تا­بيعي رەسۋرستار جانە تابيعات پايدا­لانۋدى رەتتەۋ باسقارماسىنىڭ اڭ­شىلىق شارۋاشىلىعى كۇشتەرى جۇمىلدىرىلعان.

وبلىس بويىنشا بارلىعى 380-نەن استام رەيد ۇيىمداستىرىلعان. ونىڭ بارىسىندا تابيعات قورعاۋ زاڭنا­ما­سىن بۇزعان 10 قىلمىستىق قۇقىق­بۇزۋ­شى­لىق, ونىڭ ىشىندە 2 – زاڭسىز اڭ اۋلاۋ, 7 – بالىق رەسۋرستارىن زاڭسىز ءوندىرۋ جانە 1 – جەردى ءتيىستى پايدالانباۋ فاكتىسى انىقتالدى. تابيعات قورعاۋ زاڭناماسىن بۇزۋشىلاردىڭ 358-ءى اكىمشىلىك جاۋاپكەرشىلىككە تارتىلدى, ونىڭ ىشىندە, 236-سى – اڭ اۋلاۋ قاعيدالارىن بۇزعان, 101 – بالىق اۋلاۋ قاعيدالارىن بۇزعانى ءۇشىن, 8 – اعاشتار مەن بۇتالاردى زاڭسىز كەسكەنى ءۇشىن, 8 – قارۋدى ساتىپ الۋ, بەرۋ, ەسەپكە الۋ, ساقتاۋ ءتارتىبىن بۇزعانى ءۇشىن, تەگىس ۇڭعىلى, گازدى قارۋ مەن پاترونداردى ساقتاۋ, الىپ ءجۇرۋ, تاسىمالداۋ قاعيدالارىن بۇزعانى ءۇشىن – 5. قۇقىق بۇزۋشىلاردان 78 قۇرال, ونىڭ ىشىندە ءتورت قايىق, ءۇش قايىق موتورى, التى اتىس قارۋى جانە جالپى ۇزىندىعى 5 850­ مەتر قحر وندىرگەن 65 مونوفيلامەنتتەن جاسالعان سينتەتيكالىق اۋ تاركىلەنگەن. بارلىق تاركىلەنگەن اۋ ورتەۋ ارقىلى جويىلدى. جالپى سوماسى 1,6 ملن تەڭگەدەن استام اكىمشىلىك ايىپپۇل سالىندى.

شىعىس قازاقستاننىڭ تۇمسا تا­بي­عاتى كەز كەلگەن ادامدى وزىنە باۋ­راپ تۇراتىنى ءسوزسىز. بۇل وڭىردە جالپى­ۇلتتىق دەڭگەيدەگى اۋدانى 1,5 ملن گەك­تاردان اساتىن 24 تابيعاتتى قورعاۋ ايماعى بار.