«سالاۆاتتى» سان سوقتىردى

باشقۇرتستاندىق كوماندانىڭ جەرلەس­تەرىمىزگە قاراعاندا جاعدايى الدەقايدا جاقسى. ولار تۇراقتى بىرىنشىلىكتىڭ جارىس كەستەسىندە سەگىزىنشى ورىندا تۇر. ال «بارىس» – اۋتسايدەرلەردىڭ ءبىرى. دەسەك تە «سالاۆات يۋلاەۆ» قاتارىنان ءتورت كەزدەسۋدە ۇتىلدى. ءسويتىپ, قوس كوماندانىڭ جولى «بارىس ارەنادا» قيىستى. باسەكە باستالعان بەتتە كيريلل ساۆيتسكي گول سوعىپ, ايدىن يەلەرىن العا شىعاردى. ودان كەيىن ۇزاق ۋاقىت بويى تابلوداعى ەسەپ وزگەرگەن جوق. تەك 47 مينۋتتا كورەرمەندەر قاقپاعا توعىتىلعان ەكىنشى گولدى كوردى. بۇل ەپيزودتا دجەرەمي براككونىڭ قانجىعاسى مايلاندى. ارادا ءبىر مينۋت وتپەي جاتىپ, يۆان دروزدوۆ ەسەپ ايىرماشىلىعىن قىسقارتتى. بىراق ودان ارىگە قوناقتاردىڭ ءالى جەتپەدى. 55-مينۋتتا ساۆيتسكي ءدۋبلدىڭ اۆتورى اتانسا, 60 مينۋتتا ليندەن ۆەي بوس قاقپاعا شايبانى ءدال ءتۇسىردى. ەسەپ – 4:1.

بۇگىن جەرلەستەرىمىز قازاننىڭ «اق بارس» كلۋبىن قابىلدايدى.