يتاليانىڭ تۋرين قالاسىندا جۇلدە قورى 14 750 000 اقش دوللارىن قۇراعان اتر-ءدىڭ قورىتىندى ءتۋرنيرى ءوز مارەسىنە جەتتى. بۇل جارىستا الەمنىڭ ەڭ ۇزدىك تەننيسشىلەرى ونەر كورسەتتى.
باق سىناۋشىلار قاتارىندا يسپانيالىق رافاەل نادال, نورۆەگيالىق كاسپەر رۋد, كانادالىق فەليكس وجە-الياسسيم, امەريكالىق تەيلور فريتتس (جاسىل توپ), گرەكيالىق ستەفانوس تسيتسيپاس, رەسەيلىك دانيل مەدۆەدەۆ پەن اندرەي رۋبلەۆ جانە سەربيالىق نوۆاك دجوكوۆيچ (قىزىل توپ) سىندى دۇلدۇلدەر بولدى. الەمنىڭ ءبىرىنشى راكەتكاسى كارلوس الكاراس جاراقاتىنا بايلانىستى بۇل تۋرنيرگە قاتىسپادى. ءار توپتان ۇزدىك شىققان ەكى ويىنشى جارتىلاي فينالعا جولداما الدى. بۇل مەجەدە رۋد رۋبلەۆتى, دجوكوۆيچ ءفريتتستى جەڭدى. اقتىق ايقاس سەربيا مەن نورۆەگيانىڭ تەننيسشىلەرى اراسىندا ءوتتى. 1 ساعات 34 مينۋتقا سوزىلعان تارتىس 7:5, 6:3 ەسەبىمەن العاشقىسىنىڭ پايداسىنا شەشىلدى.
وسىلايشا, نوۆاك دجوكوۆيچ قورىتىندى تۋرنيردە بەسىنشى رەت توپ جاردى.