وسى جىلدىڭ قاڭتار-قىركۇيەك ايلارى ارالىعىندا قازاقستاننىڭ مەملەكەتتىك بيۋدجەتىنە 14,8 ترلن تەڭگە ءتۇستى, بۇل وتكەن جىلمەن سالىستىرعاندا 31,1%-عا ارتىق, دەپ حابارلايدى, Egemen.kz.
Ranking.kz ساراپشىلارى ناقتىلاعانداي, وتكەن جىلدىڭ ۇقساس كەزەڭىندە مەملەكەتتىك بيۋدجەتتىڭ كىرىستەرى 11,3 ترلن تەڭگەنى قۇراپ, ءبىر جىلدا 10,4%-عا ۇلعايعان.
مەملەكەتتىك بيۋدجەت كىرىستەرىنىڭ 71,9%-ى سالىق تۇسىمدەرىن قۇرادى. ونىڭ ىشىندە قوسىلعان قۇن سالىعىنان تۇسەتىن تۇسىمدەر - 4,2 ترلن تەڭگەنى, تابىس سالىعى - 3,8 ترلن تەڭگەنى, حالىقارالىق ساۋداعا جانە سىرتقى وپەراتسيالارعا سالىناتىن سالىقتار - 1,6 ترلن تەڭگەنى, الەۋمەتتىك سالىقتار - 741,2 ملرد تەڭگەنى, مەنشىك سالىعى - 351,5 ملرد تەڭگەنى قۇرادى.
ايتا كەتسەك, سالىقتىق ەمەس تۇسىمدەر ءبىر جىلدا 39,5%-عا, 343,7 ملرد تەڭگەگە دەيىن ءوستى. ونىڭ ىشىندە مەملەكەتتىك مەنشىكتەن تۇسەتىن كىرىستەر 140,4 ملرد تەڭگەنى, مەملەكەتتىك مەكەمەلەر سالاتىن ايىپپۇلدار, ءوسىمپۇلدار, سانكتسيالار, ءوندىرىپ الۋلار - 79,4 ملرد تەڭگەنى, مەملەكەتتىك بيۋدجەتتەن قارجىلاندىرىلاتىن مەملەكەتتىك مەكەمەلەردىڭ تاۋارلار مەن قىزمەتتەردى ساتۋدان تۇسەتىن تۇسىمدەر - 2,5 ملرد تەڭگەنى قۇرادى.
«نەگىزگى كاپيتالدى ساتۋدان تۇسەتىن تۇسىمدەر ءبىر جىلدا بىردەن 33,8%-عا, ياعني 171 ملرد تەڭگەگە دەيىن ءوستى. ونىڭ ىشىندە مەملەكەتتىك مەكەمەلەرگە بەكىتىلگەن مەملەكەتتىك م ۇلىكتى ساتۋدان تۇسكەن كىرىستەر - 145,9 ملرد تەڭگەنى, جەر مەن ماتەريالدىق ەمەس اكتيۆتەردى ساتۋدان - 23,8 ملرد تەڭگەنى قۇرادى. ترانسفەرتتەر تۇسىمدەرى ءبىر جىلدا 7,6%-عا, ياعني 3,7 ترلن تەڭگەگە دەيىن ۇلعايدى», دەلىنگەن ساراپشىلاردىڭ حابارلاماسىندا.