استانانىڭ «بارىسى» قۇرلىقتىق حوككەي ليگاسىنىڭ (قحل) كەزەكتى تۋرىندا حاباروۆسكىنىڭ «امۋرىن» قابىلداپ, تاعى دا جەڭىلىستىڭ كەرمەك ءدامىن تاتتى.
بىرنەشە باسەكەنى سىرتتا وتكىزىپ, ەلگە ورالعاننان كەيىن جەرگىلىكتى جانكۇيەرلەر جەرلەستەرىمىزدەن جىگەرلى ويىن كۇتتى. بىراق بۇل جولى دا ءۇمىت اقتالمادى. 19-مينۋتتا اڭسار شايحمەددەنوۆ استانالىقتاردى العا شىعاردى. سول كەزدە ءبىر قۋانىپ قالعان ەدىك. الايدا كوپ ۇزاماي قوناقتار ەسەپتى تەڭەستىرىپ كەتتى. ودان كەيىن باسىمدىققا يە بولعان قيىر شىعىستان كەلگەن جىگىتتەر «بارىستىڭ» ويىنشىلارىنا باس كوتەرتپەدى. 22-مينۋتتا يان دروزگ جانە 60-مينۋتتا الەكساندر شاروۆ ءبىر-ءبىر گولدان سوعىپ, «امۋرعا» جەڭىس سىيلادى. ەسەپ – 1:3.
32 كەزدەسۋدەن كەيىن بار-جوعى 28 ۇپاي جيعان «بارىس» تۇراقتى بىرىنشىلىكتىڭ جارىس كەستەسىندە 19-ورىنعا ورنالاسقان.