وبلىستاعى بارلىق سايلاۋ ۋچاسكەلەرىندە تاڭعى ساعات 7:00-دە ەلىمىزدىڭ مەملەكەتتىك ءانۇرانىن شىرقالىپ, داۋىس بەرۋ ۋچاسكەلىك توراعالاردىڭ قۇتتىقتاۋىنان كەيىن پرەزيدەنت سايلاۋ باستالدى, دەپ جازادى Egemen.kz.
قۇزىرلى ورىنداردىڭ حابارلاۋىنشا, بارلىق سايلاۋ ۋچاسكەسى قاجەتتى ماتەريالدارمەن قامتاماسىز ەتىلگەن, سونداي-اق مۇمكىندىگى شەكتەۋلى جاندار ءۇشىن جاعداي جاسالعان. وبلىستا بارلىعى 8 اۋماقتىق سايلاۋ كوميسسياسى جانە 243 ۋچاسكەلىك سايلاۋ كوميسسياسى جۇمىس ىستەيدى. ونىڭ ىشىندە 83 سايلاۋ ۋچاسكەسى اقتاۋ قالاسىندا ورنالاسقان. سايلاۋ كوميسسيالارىنىڭ قۇرامىندا 1 765 ادام بار. وبلىس بويىنشا 411 103 سايلاۋشى بار.
تۇرعىندار ءوز سايلاۋ ۋچاسكەسىن بىرنەشە نۇسقا ارقىلى بىلە الادى. ياعني, سايلاۋ ۋچاسكەلەرىن «جسن بويىنشا سايلاۋ ۋچاسكەسىن ىزدەۋ» اقپاراتتىق سەرۆيسى ارقىلى, سونداي-اق بايلانىس وپەراتورلارى SMS-حابارلاما ارقىلى الىنعان «109» بايلانىس ورتالىعىنىڭ قىسقا ءنومىرى بويىنشا بىلۋگە بولادى. ەكىنشىدەن, تۇرعىلىقتى مەكەنجايىڭىزدى كورسەتۋ ارقىلى ۋچاسكەلىك سايلاۋ كوميسسياسىنان بىلۋگە بولادى. ۇشىنشىدەن, Kaspi.kz جانە Halyk قوسىمشالارىنان دا بىلە الادى.