الماتى وبلىسىندا 12 جاستاعى بالانى كولىك قاعىپ كەتتى, دەپ حابارلايدى Egemen.kz.
وقيعا بۇگىن 14:00 شاماسىندا بولعان. ءىىم رەسمي ينتەرنەت پورتالى وقيعانىڭ ۆيدەوسىن جۇكتەدى.
«34 جاستاعى «Honda Avancier» ماركالى اۆتوكولىگىنىڭ جۇرگىزۋشىسى شەلەك اۋىلى, ب.مومىش ۇلى كوشەسىمەن شىعىس باعىتتا كەلە جاتىپ, اتالعان كوشەنى جاياۋ جۇرگىنشىلەر وتكەلىمەن سولتۇستىكتەن وڭتۇستىككە قاراي كەسىپ وتكەن 12 جاستاعى جاياۋ جۇرگىنشىنى قاعىپ كەتكەن. جول-كولىك وقيعاسى سالدارىنان كامەلەتكە تولماعان جاياۋ جۇرگىنشى العان دەنە جاراقاتىنان وقيعا ورنىندا قازا بولدى», دەپ جازدى ءىىم رەسمي سايتى.
اتالعان فاكت قر قك 345-بابى 3-بولىگى بويىنشا ەڭبەكشىقازاق اۋداندىق پوليتسيا باسقارماسىندا تىركەلدى.