قازاقستان سىرتقى ىستەر ءمينيسترىنىڭ ورىنباسارى ەرمۇحامبەت قونىسپاەۆ جانادان تاعايىندالعان مولدوۆا رەسپۋبليكاسىنىڭ قازاقستان رەسپۋبليكاسىنداعى ەلشىسى ليليان داريمەن كەزدەستى, دەپ حابارلايدى Egemen.kz ۆەدومستۆونىڭ ءباسپاسوز قىزمتىنە سىلتەمە جاساپ.
ە. قونىسپاەۆ ەلشىنى قىزمەتىنە كىرىسۋىمەن قۇتتىقتاپ, وعان قازاقستان مەن مولدوۆا اراسىنداعى قارىم-قاتىناستى ودان ءارى نىعايتۋ جولىندا ساتتىلىك تىلەدى. وسىعان بايلانىستى قازاقستاندىق تاراپتىڭ ەكىجاقتى ىنتىماقتاستىقتى جانداندىرۋ جونىندەگى كوزقاراسىن اتاپ ءوتتى.
كەزدەسۋ بارىسىندا تاراپتار قازاقستاندىق-مولدوۆالىق ءوزارا ءىس-قيمىلدىڭ, ونىڭ ىشىندە حالىقارالىق ۇيىمدار اياسىنداعى وزەكتى ماسەلەلەردى تالقىلادى.