اقوردادا 3 مەملەكەتتىڭ توتەنشە جانە وكىلەتتى ەلشىلەرى قازاقستان پرەزيدەنتىنە سەنىم گراموتالارىن تاپسىردى, دەپ حابارلايدى Egemen.kz پرەزيدەنتتىڭ ءباسپاسوز قىزمەتىنە سىلتەمە جاساپ.
سەنىم گراموتالارىن امەريكا قۇراما شتاتتارىنىڭ ەلشىسى دەنيەل روزەنبليۋم, سەررا-لەونە رەسپۋبليكاسىنىڭ ەلشىسى مۇحامەد يونگاۆو جانە مولدوۆا رەسپۋبليكاسىنىڭ ەلشىسى ليليان داري تاپسىردى.
پرەزيدەنت ديپلوماتتاردى قازاقستانداعى رەسمي ميسسيالارىنىڭ باستالۋىمەن قۇتتىقتاپ, ولار وزدەرىنىڭ كاسىبي تاجىريبەلەرىمەن جانە قاجىرلى ەڭبەگىمەن ەكىجاقتى ىنتىماقتاستىقتى دامىتۋعا ۇلەس قوساتىنىنا سەنىم ءبىلدىردى.
قاسىم-جومارت توقاەۆ دوستىق جانە ءوزارا ءتيىمدى قارىم-قاتىناستاردى نىعايتۋعا باعىتتالعان بەيبىت ءارى اشىق سىرتقى ساياسات جۇرگىزەتىنىن اتاپ ءوتتى.
شارا سوڭىندا پرەزيدەنت ديپلوماتتارعا تابىس تىلەپ, ولاردىڭ مەملەكەتتەرىنىڭ باسشىلارىنا جۇرەكجاردى سالەمىن جولدادى.