قازاقستان ۇكىمەتىنىڭ 2022 جىلعى 9 قاراشاداعى وكىمىمەن قازاقستان رەسپۋبليكاسىنىڭ ۇلتتىق عىلىم اكادەمياسىن قايتا ۇيىمداستىرۋ جونىندەگى مەملەكەتتىك كوميسسيا قۇرىلدى, دەپ حابارلايدى Egemen.kz.
مەملەكەتتىك كوميسسياعا پرەمەر-ءمينيستردىڭ ورىنباسارى – ساۋدا جانە ينتەگراتسيا ءمينيسترى سەرىك جۇمانعارين باسشىلىق ەتەدى.
عىلىم جانە جوعارى ءبىلىم ءمينيسترى ساياسات نۇربەك ونىڭ ورىنباسارى بولىپ تاعايىندالدى. ال عىلىم جانە جوعارى ءبىلىم مينيسترلىگىنە قاراستى عىلىم كوميتەتىنىڭ توراعاسى دارحان احمەد-زاكي كوميسسيا حاتشىسى قىزمەتىن اتقارادى.
سونىمەن قاتار مەملەكەتتىك كوميسسياعا:
قارجى ۆيتسە-ءمينيسترى تاتيانا ساۆەلەۆا; ۇلتتىق ەكونوميكا ۆيتسە-ءمينيسترى باۋىرجان وماربەكوۆ; الماتى قالاسى اكىمىنىڭ ورىنباسارى اسقار ءامىرين; قازاقستان رەسپۋبليكاسى ۇلتتىق عىلىم اكادەمياسىنىڭ پرەزيدەنتى مۇرات جۇرىنوۆ, عىلىمي ورتالىقتار مەن عىلىمي-زەرتتەۋ ينستيتۋتتارىنىڭ اكادەميكتەرى مەن رەكتورلارى كىردى.