كەشە شورت-ترەكتەن قازاقستاننىڭ ۇلتتىق قۇراما كومانداسىن جانكۇيەرلەر, فەدەراتسيا قىزمەتكەرلەرى, تۋعان-تۋىستارى استانانىڭ حالىقارالىق اۋەجايىنان گۇل شوقتارىمەن كۇتىپ الدى.
راسىندا دا, وسى سپورت ءتۇرىن سەرىك ەتكەن جىگىتتەرىمىز ونداي قۇرمەتكە لايىق ەكەنى داۋسىز. كۇنى كەشە عانا كانادانىڭ مونرەال قالاسىندا اياقتالعان الەم كۋبوگىنىڭ كەزەڭدىك سايىسىندا ولار ءۇش جۇلدە جەڭىپ الدى. اتاپ ايتساق, ابزال اجىعاليەۆ پەن دەنيس نيكيشا 5 000 مەترلىك قاشىقتىقتا كۇمىس السا, ءادىل عالياحمەتوۆ 1 000 مەترلىك باسەكەدە قولاعا قول سوزدى. ال ونىڭ الدىندا عانا اقش-تىڭ سولت-لەيك-سيتي قالاسىندا قازاقستان قۇراماسى 5 000 مەترلىك ەستافەتالىق سايىستا مارە سىزىعىن ەكىنشى بولىپ قيىپ وتكەن ەدى.
شورت-ترەك شەبەرلەرىنىڭ ءدۇبىرلى دودالارى ەندى عانا قىزىپ جاتىر. كەشە ءدال سول سولت-لەيك-سيتيدە تاعى ءبىر بايراقتى باسەكە باستالدى. ء«تورت قۇرلىقتىڭ تۋرنيرىندە» قازاقستاندىقتار دا ەل نامىسىن قورعاۋدا.