سەمەي قالاسىندا كولىك ءنومىرىن قاعازدان جاساپ العان جۇرگىزۋشى ۇستالدى, دەپ حابارلايدى Egemen.ءkz ىىم رەسمي پاراقشاسىنا سىلتەمە جاساپ.
وبلىس ورتالىعىنداعى كوشەلەردىڭ بىرىندە ءبىرتۇرلى كولىك نومىرلەرىن بايقاعان تۇرعىندار @_osa_semey قوعامدىق سايتىنا ونىڭ فوتوسىن جىبەرگەن. اباي وبلىسىنىڭ پوليتسيا دەپارتامەنتى كولىك يەسىن انىقتاپ, وعان اكىمشىلىك حاتتاما تولتىردى. سەمەي قالاسىنىڭ تۇرعىنى كولىگىنە قاعازدان مەملەكەتتىك ءنومىر جازىپ العان.
«اتالعان فاكتى بويىنشا «Daewoo NEXIA» كولىگىنىڭ جۇرگىزۋشىسى 28 جاستاعى كاسىپكەر ۇستالعان. قازاقستان رەسپۋبليكاسىنىڭ اكىمشىلىك قۇقىق بۇزۋشىلىق 590-بابى 2-بولىگى «مەملەكەتىك تىركەۋ نومىرلىك بەلگىلەرى (بەلگىسى) جوق نەمەسە ونى پايدالانۋعا تىيىم سالىنعاننان كەيىن نەمەسە بەلگىلەنگەن تارتىپپەن تىركەلمەگەن كولىك قۇرالىن باسقارۋ» بويىنشا اكىمشىلىك حاتتاما تولتىرىلدى», دەپ جازدى ءىىم رەسمي پاراقشاسى.