مەملەكەت باسشىسى قاسىم-جومارت توقاەۆ اتىراۋ وبلىسىنىڭ جۇرتشىلىعىمەن كەزدەسۋ بارىسىندا ءوڭىردىڭ ينجەنەرلىك ينفراقۇرىلىمىن دامىتۋ ماسەلەسىنە توقتالدى, دەپ حابارلايدى Egemen.kz.
«اتىراۋ وبلىسىنىڭ ينجەنەرلىك ينفراقۇرىلىمىن دامىتۋ – كۇردەلى ماسەلە. مۇندا تۇرعىن-ءۇي قۇرىلىسى قارقىندى ءجۇرىپ جاتىر. بىراق, ەسكى ۇيلەر ءالى دە كوپ», دەدى پرەزيدەنت.
قاسىم-جومارت كەمەل ۇلى اپاتتى ۇيلەردىڭ تۇرعىندارىن كوشىرۋ ءۇشىن قۇرىلىس جۇمىستارىن جانداندىرۋ قاجەت ەكەنىن ايتتى.
«كوپ قاباتتى تۇرعىن-ۇيلەردىڭ تورتتەن ءبىرى, ياعني 432 ءۇي اپاتتى جاعدايدا تۇر. ۇكىمەت اتىراۋ وبلىسىنىڭ اكىمدىگىمەن بىرلەسىپ, بۇل ماسەلەنى شەشۋگە ءتيىس. سونداي-اق اپاتتى ۇيلەردىڭ تۇرعىندارىن كوشىرۋ ءۇشىن قۇرىلىس جۇمىستارىن جانداندىرۋ قاجەت», دەپ اتاپ ءوتتى مەملەكەت باسشىسى.